हिजो आज नेपालबाट आउने फोन र वार्तामा सोधिने एउटा मुख्य प्रश्नसंगै दिईने सुझाव होः कस्तो छ तपाईहरुलाई ? बचेर बस्नुस है, ट्रम्पले सबै नेपालीलाई फर्काउँदै छ रे, हुलमुलमा ज्यान जोगाउनु पर्छ है । अनि बल्ल सन्चो विसन्चो सोधिन्छ । सोध्नेहरुको यसमा माया र सहानुभुति लुकेको छ उनिहरुको यसमा कुनै दोष छैन । दोष त यस्ता सामाजिक सन्जाल प्रयोगकर्ताहरुको छ जसलाई विना प्रमाण वा जानकारी मनमा लागेको मनपरी पोष्ट गर्दछन । अनि हात हातै मोवाईल प्रयोग गर्नेहरु जस्ले नखोजे पनि यस्ता काम नलाग्ने वहियात हल्लाहरु मोबाईलमा क्रमश स्क्रोल हुन्छ र हल्ला धुवासरी फैलिन्छन । अमेरिकामा आफ्नो छोरा छोरी भएकाहरुले यस्ता विषयमा चासो राख्नु स्वाभाविक पनि हो । उनिहरु आफ्नो आफन्तको चासोका कारण यस्ता नकारात्मक हल्लाहरु चाँडो फैलिन्छन । कतिपय अवस्थामा अमेरिका वा विदेशमा गएर अलि अलि प्रगतिबाट डाह भएका आफन्त र छिमेकीहरुले यस्ता कुराहरु खोजी खोजी सुनेर त्यसको डबल हल्ला गरेर आत्म रतीमा रमाउने हाम्रो समाजमा सामाजिक रोग बन्दै गएको छ । हामी विश्व समुदायकाबीच प्रगति गर्न नसक्नुमा अरुको बढी चासो राख्नु, सहयोग र सद्भावको सट्टा विगार्ने नकारात्मक सोच बढ्नु पनि हो ।

यसैबीच टेक्सास र टेनेसीबाट केहि विधार्थी ग्यास स्टेसनमा काम गर्दै गर्दा र विना लाईसेन्स गाडी चलाएको बेला प्रहरीको पक्राउमा परेका हुन । त्यो हल्ला यति धेरै फैलियोकी मानौ अमेरिकामा रहेका सबै नेपालीलाई फर्काउँदै छ । नेपालमा भएका आफन्त र अभिभावकहरु निकै चिन्तित भए, हुनु पनि स्वभाविक हो । यसैबीचमा १३ सय भन्दा बढी नेपालीहरु अमेरिकाबाट डिर्पोट हुँदैछ भन्ने समाचारहरु सार्वजनिक भएका छन । जुन पुरानो तथ्यांक हो जुन तथ्यांक नयाँ राष्ट्रपतिको लिष्टमा परेका नेपाली होईनन । त्यो लिष्टमा रहेकाहरु एकै दिन बनाइएका पनि होईनन् विभिन्न काण्ड र अपराधमा मुछिएकाहरुको त्यो लिष्ट १० बर्ष भन्दा बढी समयदेखि अमेरिकाका विभिन्न राज्यहरुमा बसेर गरिएका अबैध कार्यको आधारमा बनेका लिष्ट हुन । त्यसैले अहिले जसरी अमेरिकामा आतंक छ जस्तो गरी नेपालमा फैलिएका हल्लाहरु वहियात हुन ।
हो, स्वभाविक रुपमा राष्ट्रपति डोनाल्ड ट्रम्पले आफ्नो चुनावी एजेण्डामा भनेका थिए की अबैध आप्रवासीलाई अमेरिकाबाट डिपोर्ट गर्छु । उनको आफ्नो एजण्डा अनुसार गरिहेकै छन तर फेरी पनि के हो भने अमेरिकामा रहेका नेपालीहरु डिर्पोर्ट गर्न लायक एकदमै थोरै छ जुन तथ्यांकमा सार्वजनिक भएका छन ।

त्यो लिष्टमा रहेकाहरु कस्ता हुन त । प्रायजसो अमेरिकामा तल्लो बाटोबाट आउने वा कही कतैबाट आएर असाईलम गर्नेहरुले आफुले असाईलम गरेर रद्द भएपछि कानुनी झमेलामा पर्र्ने डरका कारण बसी रहेको एक राज्यबाट अर्को राज्यमा सर्ने गर्दछन । त्यसैगरी अर्को विभिन्न अपराधिक गतिविधिमा संलग्न भएकाहरुले पनि कानुनी झमेलाबाट बच्न राज्यहरु पmेरेर हिडिरहेका हुन्छन, उनिहरु नै त्यो १२ सय नेपालीको लिष्टका मानिसहरु हुन ।

त्यसैगरी अर्को विधार्थीहरुलाई सहयोग हस्तान्तरण गरिएका कुराहरु सत्य हुन किनकी यतिखेर काम गर्न डराएका विधार्थीहरु काममा नगई घरमा बसी रहेका छन । उनिहरुलाई केहि राहात होस भन्नका लागि अमेरिकामा रहेका नेपाली समुदायले सहयोग गरेका हुन । खानै नपाउर गरेको पनि होईन । सत्य कुरा के हो भने यस अघिका सरकारहरु हुँदा पनि विधार्थीहरुले कलेजभन्दा बाहिर काम गर्न अनुमति थिएन र छैन । विधार्थीहरुले यसअघि लुकेर क्यासमा काम गरिहेका थिए र राज्यले त्यति धेरै चासो दिएको थिएन अहिले बढी चासो दिएकोले विधार्थीहरु मर्कामा परेका हुन । विधार्थीहरुले पहिले पनि काम गरेको वा चेकमा काम गरेका कारण डिर्पोट भएका थिए । फरक त्यति मात्रै हो की जहिले पनि अमेरिकामा रिपव्लिकनहरु सरकारमा आउँदा सिमा सुरक्षा, एयरपोर्ट वा आप्रवासनको विषय कडाई हुन्छ । स्वाभाविक रुपमा चलेका े हल्ला र डरका कारण विधार्थीहरु काममा गएका छैनन र घर बाहिर काम गर्ने अबैध रहेकाहरु काममा नजाँदा व्इापारहरुमा केहि कमी आएका छन ।

विगतका केहि राष्ट्रपतिहरुको कामको तुलना गर्ने हो भने पछिल्लो बाराक ओबामा, डोनाल्ड ट्रम्पको अघिल्लो कार्यकाल र बाईडन प्रशासनको तुलना गर्दा सबै भन्दा धेरै आप्रबासी डिर्पोट गर्ने राष्ट्रपतिको कार्यकाल ओबामा कार्यकाल हो । आप्रवासी विरोधी जस्तो नदेखिए पनि धेरै आप्रवासी डिर्पोटमा परे तर ट्रम्पको अघिल्लो कार्यकाल यस्तै हल्ला बढी काम थोरै भएको अमेरिकाका राजनीतिक पण्डितहरुको भनाई छ । फेरी पनि त्यहि भई रहेको हो । उनले लहडका भरमा गरेका निर्णयहरु एक पछि अर्को गर्दै अदालतहरुले रोकि रहेका छन ।

यतिखेर अमेरिकामा भएको यहि हो अलि बढी हल्ला काम कम भएकै छ । आफ्नो काम र व्यापार होस वा जागिर गर्नेहरुलाई कहि फरक पर्दैन र परेको पनि छैन । फरक उसलाई पर्दछ जसले गैरकानुनी काम गरेका छन वा अपराधिक गतिविधिमा संलग्न रहेका छन । त्यसैले जहाँ नेपाली त्यहाँ हल्ला बढी भने झै अमेरिकामा त्यस्तो केहि आतंक भएको छैन । आतंक त्यहाँ छ जसले नबुझिकन सामाजिक सन्जाल दुरुपयोग गरिहेका छन ।