तपाई अमेरिका भ्रमण गर्दै हुनुहुन्छ भने तपाईको भिषा लागे पनि बीच बाटोबाटै फर्किनुपर्ने नहोला भन्न सकिन्न । मुख्य कारण तपाईको सामाजिक सन्जाल वा फोनमा कसैलाई पठाइएका म्यासेजहरु पनि जाँच हुन थालेको छ । यदि तपाईले फोनबाट वा कुनै सामाजिक सन्जालमा अमेरिका र राष्ट्रपति डोनाल्ड ट्रम्प प्रशासनको कट्टर बिरोध गरेका कुनै प्रमाण भेटिए तपाईको भिषा रिभोक वा तपाईको भ्रमण रद्द हुन सक्दछ । सामान्य जानकारी नहुँदा पछिल्लो समय यस्ता धेरै व्यक्ति अमेरिकी भुमिमा पुगेर फर्किनु परेको घटनाहरु सार्वजनिक भएका छन । अमेरिकी दुतावासहरुले पछिल्लो समय भिषा जारी भए पनि त्यसको अनुसन्धान गरी रद्द गर्न सक्ने सुचना जारी गरेको छ । त्यसको मतलव भिषा भए पनि कुनै पनि बेला अमेरिकी नीति विपरित कार्यहरु गरेकाहरुको हकमा भिषा रद्द हुने संभावना हुनेछ ।
हो यस्तै घटना भएको छ फ्रान्सका एक वैज्ञानिक अमेरिकी भुमिमा पुगेर पनि फर्काइएको घटनाले विश्व समाचार बनेको छ । फ्रान्सको शोध मन्त्रीले एक फ्रान्सेली वैज्ञानिकलाई यस महिना संयुक्त राज्य अमेरिका प्रवेश गर्न अस्वीकार गरिएको बताएका छन । जब आप्रवासन अधिकारीहरूले एउटा विमानस्थलमा उनका फोन जाँच गरे र त्यसमा ट्रम्प प्रशासनको आलोचना गर्दै उनले साथी र सहकर्मीहरूसँग गरेका सन्देशहरू भेट्टाएपछि उनलाई एयरपोर्टबाटै फिर्ता पठाइयो । अमेरिकी दुतावासले भिषा दिनु पुर्व नै सामाजिक सन्जाल जाँच गर्दछ तर भिषा लिइसकेकाहरुको सन्र्दभमा कहिलेकाही त्यस्ता म्यासेज र सामाजिक सन्जालमा लाई वा रिपोष्ट गरेको भेटिएमा पनि अब तपाईको भ्रमण खतरामा पर्न सक्दछ ।
ती फ्रान्सेली अनुसन्धानकर्ता,“ जो फ्रान्सको राष्ट्रिय वैज्ञानिक अनुसन्धान केन्द्रको लागि एक सम्मेलनमा ह्यूस्टन यात्रा गर्दै थिए । ति वैज्ञानिकलाई संयुक्त राज्य अमेरिका प्रवेश नगर्न भन्दै मोवार्यल चेक गरेपछि फर्काइएको फ्रान्सका उच्च शिक्षा र अनुसन्धान मन्त्री फिलिप बाप्टिस्टले सोमबार एजन्सी फ्रान्स–प्रेसलाई दिएको बयानमा भनेका छन । ती अनुसन्धानकर्ताको फोनमा उनका सहकर्मी र साथीहरूसँगका आदानप्रदान म्यासेजमा उनले ट्रम्प प्रशासनको अनुसन्धान नीतिबारे व्यक्तिगत धारणा व्यक्त रहेको बताइएको छ । फ्रान्सेली समाचार एजेन्सीका अनुसार यो घटना ९ मार्चमा भएको द गार्जियन समाचारले लेखेको छ ।
अमेरिकामा वैज्ञानिक अनुसन्धानको बजेटमा ठूलो कटौती गरेको कारण ट्रम्प प्रशासन र एलोन मस्कको आलोचना भईरहेको छ ती वैज्ञानिकले आफ्ना साथीलाई पठाएको म्यासेजमा ती कुराहरु उल्लोख गरिएको बताईन्छ । ती बैज्ञानिक ५६ औं लूनर र प्लानेटरी साइन्स सम्मेलन १० देखि १४ मार्चसम्म ह्यूस्टन बाहिर आयोजना गरिएको थियो र त्यहि सम्मेलनमा भाग लिन आएका थिए । अर्को महत्वपुर्ण विषय अमेरिकी नीति विपरित र्काय गर्नेहरु पनि यसरी अमेरिकी भुमिमा पुगे पनि फिर्ता गर्ने कानुनी प्रावधान छ । यस विषयमा अमेरिकी सरकारले कुनै आधिकारिक कुरा स्पष्ट पारेको छैन । अमेरिकी सिमा सुरक्षा वा एयरपोर्टमा खटिएका कर्मचारीहरुले सरकारबाट तोकिएको अधिकार प्रयोग गर्दा अमेरिकी नीति विपरित भए पनि फिर्ता पठाउन सक्ने अधिकार प्रत्यायोजन गरिएका हुन्छन । अमेरिकी दुतावासले भिषा जारी गर्दा नै ती कुराहरु स्पष्ट पारेका हुन्छन ।
