अमेरिकाले केहि अवैध आप्रवासीलाई उनिहरुकै मुलुकमा डिपोर्ट नगरी तेश्रो मुलुकमा डिपोर्ट गरिएको घटनाका सन्र्दभमा अबको दिनमा त्यो गर्न रोक लगाएको छ । तैश्रो मुलुक डिपोर्ट गर्दा सुरक्षा संवेदनशिलता र अन्तराष्र्टिय सन्धि विपरित हुने आदेश दिएको हो । एक संघीय न्यायाधीशले शुक्रबार ट्रम्प प्रशासनलाई अदालतमा चुनौतीको मौका बिना आप्रवासीलाई तेस्रो देश देशनिकाला गर्न अस्थायी रोक लगाएको हो ।
बोस्टनका डिस्ट्रिक्ट कोर्टका अदालतका न्यायाधीश ब्रायन ई मर्फीले सरकारलाई आप्रवासीहरूलाई संघीय कानून अन्तर्गत तेस्रो देशमा आफ्नो निष्कासनविरुद्ध अदालतमा मौका दिन आदेश दिएका हुन् । जसले निर्वासनलाई ती ठाउँहरूमा सीमित गर्दछ जहाँ आप्रवासीहरुको जीवन वा स्वतन्त्रतालाई खतरामा पार्ने जोखिम रहन्छ । आदेशमा न्यायाधिसले यातना विरुद्धको संयुक्त राष्ट्रसंघको सन्धिलाई पनि उद्धृत गर्दै त्यस्तो आदेश दिएको हो ।
