चार जना रिपब्लिकन सिनेटरहरूले राष्ट्रपति डोनाल्ड ट्रम्पको ट्यारिफ विरुद्ध मतादान गरेका छन । सेन. र्यान्ड पोल (क्यान्टकी), सुजान कोलिन्स (मेन), लिजा मर्कोव्स्की (अलास्का) र मिच म्याककोनेल (क्यान्टकी) ले ट्रम्पको विरुद्धमा मतदान गरेपछि ट्रम्प प्रशासन हच्किएको छ । उनीहरूले राष्ट्रपति ट्रम्पका क्यानाडामा लगाइएका शुल्कप्रति असहमतिको संकेत दिनका लागि मतदान गरे, केही घण्टामा राष्ट्रपति ट्रम्पले घोषणा गरे कि उनले सबै आयातहरूमा १० प्रतिशत शुल्क लगाउनेछन् । युरोपेली संघ, चीन, भियतनाम र जापानका आयातहरूमा अझ उच्च दर लागू गर्नेछन् । सिनेटका बहुमत नेता जोन थ्यून (आर–एस.डी.) ले रिपब्लिकन सहकर्मीहरूलाई यस प्रस्तावको विरोधमा मतदान गर्न आग्रह गरेका थिए, भनेका थिए कि यो डेमोक्र्याटहरूको एक राजनीतिक चाल हो जसले ट्रम्पलाई अपमानित गर्ने प्रयास गरेको छ ।
राष्ट्रपति डोनाल्ड ट्रम्पको आदेशलाई बेवास्ता गर्दै चार जना रिपव्लिकन सिनेटले क्यानाडालाई लगाएको शुल्कको विरोधमा मतदान गरेपछि सिनेटर टिम केनको प्रस्तावलाई समर्थन गर्दै सिनेटले ५१ विरुद्ध ४८ को मतले उनलाई समर्थन गरेका छन् । यसो हुँदा राष्ट्रपतिको प्रस्ताव सनेटबाट फेल भएको छ । यो राष्ट्रपति डोनाल्ड ट्रम्पको दोस्रो कार्यकाल सुरु भएयता ह्वाइट हाउस नीतिको लागि कठिन दिनको शुरुवातको रुपमा लिइएको छ । ट्रम्पले छोटो समयमा संयुक्त राज्य अमेरिका र क्यानाडाबीचको सम्बन्धलाई गम्भीर क्षति पुर्याएको भन्दै यसलाई ध्यानमा राख्दै भर्जिनियाका डेमोक्रेट सिनेटर टिम केनले एक विशेष प्रस्ताव अघि सारेका थिए । जसले राष्ट्रपति ट्रम्पको फेब्रुअरी १ को कार्यकारी आदेशलाई अन्त्य गर्ने थियो।
