प्रधान न्यायाधीश जोन रोबट्र्सले ट्रम्प प्रशासनलाई गल्तीपूर्वक एल साल्भाडोर डिर्पोट गरी पठाइएका एक व्यक्तिलाई देश फर्काउनको लागि जिल्ला न्यायाधीशको आदेश बदर गरेका छन । रोबट्र्सले उच्च अदालतले ट्रम्प प्रशासनको आपतकालीन निवेदनलाई समाधान गर्ने अवसर दिन गरिएको माग बमोजिम सहमति जनाउदै आदेश दिएका हुन ।
ट्रम्प प्रशासनले “प्रशासनिक त्रुटि“ स्वीकार गरेको छ जसले किल्मार अब्रेगो गार्सियालाई, जो म्यारिल्याण्डमा बसोबास गर्ने एक साल्भाडोरियन नागरिक हुन्, गल्तीले एल साल्भाडोर फिर्ता पठायो, जबकि एक आप्रवासन न्यायाधीशको २०१९ को निर्णयले उनलाई एल साल्भाडोरमा हिंसाको डरका कारण निर्वासनबाट जोगाएको थियो ।
अब्रेको गार्सिया गत महिनामा एक कुख्यात साल्भाडोरी कारागारमा फिर्ता पठाइएका सयौं आप्रवासीमध्ये एक हुन । प्रशासनले उनलाई एमएस १३ सँग संलग्न रहेको आरोप लगाएको छ, जुन गोप्य सूचनादाताबाट प्राप्त रिपोर्टको आधारमा । तर अब्रेगो गार्सियाको परिवारले यसलाई अस्वीकार गर्दै भनेको छ कि उनी कुनै ग्याङ्गसँग संलग्न् छैनन । सोही मुद्दामा जिल्ला अदालतले संलग्नता नभेटिएको भन्दै फिर्ता ल्याउन आदेश दिएको थियो ।
संयुक्त राज्य जिल्ला न्यायाधीश पाउला जीनिसले गत हप्ता सोमबार रातको समयसीमा दिएर ट्रम्प प्रशासनलाई उक्त व्यक्ति फिर्ता गर्न आदेश दिएकी थिईन ।