नेपाल बार एसोसिएसनको निर्वाचनको मतगणना भइरहेको छ । हालसम्म्को पछिल्लो अवस्था अनुसार एमाले र कांग्रेस निकट कानुन व्यवसयासीका उम्मेदवार वरिष्ठ अधिवक्ता विजयप्रसाद मिश्रले अग्रता लिएका छन् । मिश्रको ७०७ मत आउँदा प्रतिद्धन्द्धी रमण श्रेष्ठको ४३४ मत प्रप्त भएको छ । उपाध्यक्ष र महासचिव लगायत सबै पदहरुमा मिश्रको टिमका उम्मेदबारहरुले ३०० बढी मतले अग्रता लिईरहेका छन ।
कोसी प्रदेशका झापा, इलाम, धनकुटा र उदयपुर तथा मधेश प्रदेशको सिरहा जिल्लाको मतगणना सकिएको छ । एसोसियसनको नयाँ नेतृत्व छनोटका लागि शनिबार निर्वाचन भएको थियो । बारमा देशभरबाट ९ हजार ९ सय५७ मतदाता रहेकामा ८० प्रतिशत मत खसेको थियो । काठमाडौं र बाहिर गरी जम्मा ३६ वटा मतदान केन्द्रमा मतदान भएको थियो ।वरिष्ठ अधिवक्ता मिश्रको समूहमा महासचिवमा वरिष्ठ अधिवक्ता केदारप्रसाद कोइराला छन् भने वरिष्ठ अधिवक्ता श्रेष्ठको समूहमा अधिवक्ता यज्ञमणि न्यौपाने महासचिव पदमा उम्मेदवार रहेका छ न् ।
