नेपाल बार एसोसिएसनमा ६५ प्रतिशत मतगणना सकिदा प्राध्यापक बरिष्ठ अधिवक्ता विजय मिश्रको टिम दोब्बर मतका साथ अगाडी देखिएको छ । आइतबार सुरु भएको मतगणना सोमबार दिनभर चलेको थियो र मंगलबार बिहानैबाट शुरु भएकाृ छ । सोमबार राति ८ बजेसम्म करिब ६५ प्रतिशत मतगणना सकिएको निर्वाचन समितिले जानकारी दिएको छ।
चैत २३ गते देशभरका बार सदस्यले नेपाल बारको २५ सदस्यीय कार्यसमितिका लागि प्रत्यक्ष मतदान गरेका थिए। त्यस क्रममा ७ हजार ९९५ मत खसेको छ। देशैभरिबाट मतपेटिका संकलन गरी काठमाडौँमा गणना भइरहेको छ। पछिल्लो अद्यावधिक विवरणअनुसार, अध्यक्षमा वरिष्ठ अधिवक्ता विजयप्रसाद मिश्रले २ हजार ८८२ मत प्राप्त गरेका छन्। उनको यो मत निकटतम प्रतिद्वन्द्वी वरिष्ठ अधिवक्ता रमनकुमार श्रेष्ठको तुलनामा दोब्बरभन्दा केही बढी हो।
अधिवक्ता श्रेष्ठले १ हजार ४२५ मत पाएका छन्। अन्य पदमा पनि मिश्र नेतृत्वकै प्यानल नै लगभग दोब्बर मतका साथ अगाडि छ महासचिव पदमा अझै फराकिलो मतान्तरले मिश्र टिमका केदारप्रसाद कोइराला अगाडि छन्। कोइरालाले २ हजार ८६० मत पाउँदा उनका प्रतिद्वन्द्वी यज्ञमणि न्यौपानेले १ हजार २३८ मत पाएका छन्।
