अमेरिकामा रहेका अबैध वा कागजात नभएका आप्रवासीहरुले संघीय सरकारमा आफ्नो अवस्था दर्ता गराउनु पर्ने नियम आज शुक्रबारबाट अनिवार्य भएको छ । होमल्यान्ड सेक्युरिटीले फेब्रुअरी २५ मा घोषणा गरेर अबदेखि अमेरिकामा अवैध रूपमा रहेका सबैले संघीय सरकारसँग अनिवार्य रूपमा दर्ता गर्नुपर्नेछ भनिएको थियो । यो मुद्दामा विहिबार भएको अदालतको फैसलापछि शुक्रबारबाट अनिवार्य रुपमा दर्ता गर्नुपर्ने भएको हो । जो व्यक्तिहरूले आफूलाई स्वयं रिपोर्ट गर्दैनन्, तिनीहरूले जरिवाना वा मुद्दाको सामना गर्नुपर्नेछ । दर्ता नगर्नु आपराधिक कार्य मानिनेछ, र दर्ता प्रमाणपत्र साथमा नबोक्ने हो भने कैद वा जरिवानाको जोखिम रहने बताइएको उल्लेख छ ।
होमल्यान्ड सेक्युरिटीको आदेशलाई चुनौति दिंदै आदलतमा परेको रिटमा अमेरिकी जिल्ला अदालतले बिहीबार ट्रम्प प्रशासनलाई गैर कानुनी रूपमा अमेरिकामा बसोबास गर्ने वा प्रवेश गर्ने आप्रवासीलाई सङ्घीय सरकारमा दर्ता गर्नुपर्ने योजनालाई अगाडि बढाउन अनुमति दिएको हो । यो नियमअनुसार दर्ता नगर्ने आप्रवासीलाई जरिवाना वा कैदको सजाय हुन सक्नेछ भन्ने सरकारी आधारलाई अदालबाट स्वीकार गरिएको छ ।
यो दर्ता प्रक्रिया सबै १४ वर्ष वा सोभन्दा माथिका अवैध स्थितिमा रहेका व्यक्तिहरूका लागि अनिवार्य हुनेछ । दर्ता गर्नेहरूले आफ्नो औंठाछाप र ठेगाना अनिवार्य रुपमा खुलाउनुपर्नेछ । १४ वर्षभन्दा मुनिका नाबालकहरूको हकमा उनीहरूका आमाबाबु वा अभिभावकले दर्ता सुनिश्चित गर्नुपर्ने उल्लेख छ । यो नियम शुक्रबारदेखि लागू हुँदै छ, जसअनुसार हालसम्म दर्ता नभएकाहरूले नयाँ सरकारी वेबसाइटमार्फत दर्ता गर्नुपर्नेछ र सधैँ दर्ता कागजात बोकेर हिँड्नुपर्नेछ। अन्यथा, उनीहरूलाई आपराधिक दण्डको सामना गर्नुपर्ने हुन सक्छ।
वासिङ्टनका जिल्ला न्यायाधीश ट्रेवर म्याकफ्याडेनले डिपार्टमेन्ट अफ होमल्याण्ड सेक्युरिटी (डीएचएस)को यो नियमविरुद्ध मुद्दा दायर गर्ने समूहहरूले आफ्नो मुद्दा पुष्टि गर्न आवश्यक आधार प्रस्तुत गर्न नसकेको ठहर गर्दै आदेश दिएको हो ।
नेशनल इमिग्रेसन ल कन्सल्टिङ सेन्टरका उप–कानुनी निर्देशक निकोलस एस्पिरिटुले एपीसंग भनेका छन यो फैसलालाई ‘निराशाजनक’ भन्दै यसले आप्रवासीलाई कठिन परिस्थितिमा पार्ने बताए । उनले भने, “यो नियमले मानिसहरूलाई दर्ता गरेर तत्काल डिर्पोटको जोखिम मोल्ने वा दर्ता नगरेर दण्डको सामना गर्ने भन्ने छनोट गर्न बाध्य पार्नेर्छ ।”सरकारले आदेश दिएपनि अदालतको आदेश कुरी रहेका अबैध आप्रवासीहरुले अब अनिवार्य रुपमा संघीइ सरकारसंग दर्ता गर्नुपर्नेछ ।
अदालतको निर्णयपछि तुरुन्तै, होमल्यान्ड सेक्योरिटी विभागका अधिकारीहरूले विज्ञप्तिमा जोड दिएका थिए कि जसले ३० दिन वा सोभन्दा बढी समयदेखि देशमा रहेका छन्, तिनीहरूको लागि दर्ता गर्ने अन्तिम मिति शुक्रबार हो र आगामी दिनहरूमा, दर्ता अनिवार्यतासमेत पूर्ण रूपमा कार्यान्वयन गरिनेछ ।
्स्मरणीय रहोस अमेरिकी कानुनले लामो समयदेखि आप्रवासीलाई (चाहे गैरकानुनी रूपमा नै किन नहोस) दर्ता गर्नुपर्ने व्यवस्था गरेको छ । तर, यो नियम नियमित रूपमा कार्यान्वयन भएको थिएन । ट्रम्प प्रशासनले भने गैर कानुनी आप्रवास रोक्न र गैरकानुनी रूपमा बसोबास गर्नेहरूलाई निर्वासन गर्न वा आफ्नो देशमा कस्ता मानिसहरु बस्दछन भन्ने रेकर्ड राख्न भन्दै दर्ता अनिवार्य गराएको हो । यो निणर्यलाई अमेरिकामा कस्ता मानिसहरु बसोवास गर्दछन भन्ने तथ्यांक राखेर सरकारले आफ्नो सुरक्षाको ग्यारेन्टी गरेको भन्दै आएको छ । यो कानुन जसको ग्रीनकार्ड छैन सबैका हकमा यो नियम लागु हुनेछ ।
