सोमबार नागरिकतासम्बन्धी अपोइन्टमेन्टका लागि जाँदै गर्दा कोलम्बिया विश्वविद्यालयका अर्का एक प्रोप्यालेस्टिनी विद्यार्थी तथा अमेरिकी ग्रिनकार्ड धारी मोहसेन मह्दावीलाई संघीय एजेन्टहरूले पक्राउ गरेको छ । मह्दावी जो १० वर्षदेखि अमेरिकामा स्थायी निवासी थिए, उनि इजरायल–हमास द्वन्द्वको सुरुवाती महिनाहरूमा न्यूयोर्क सिटी क्याम्पसमा भएका विरोध प्रदर्शनहरूमा प्रमुख भुमिकामा रहेकोले उनलाइ पक्राउ गरिएको न्यूजवीकले समाचार छापेको छ ।

उनी भर्मन्टको कोलचेस्टरमा आप्रवासन तथा सीमा सुरक्षा प्रवर्तन (आइस) द्वारा पक्राउ परे, उनको डिर्पोट प्रक्रिया समेत शुरु भएको बताइएको छ । उनको निर्वासन प्रक्रियअमेरिकी भुमिमा प्रो–प्यालेस्टिनी विद्यार्थी कार्यकर्ताहरूविरुद्ध गरिएको लक्षित कारबाहीहरूको पछिल्लो घटना हो । मह्दावीलाई महमुद खलिलका साथीको रूपमा चिनिन्छ, जो कोलम्बिया विश्वविद्यालयका स्नातक तथा ग्रिन कार्ड धारक हुन् । उनलाई यस अघि नै डिर्पोटको प्रक्रियामा राखिएको छ । खलिलले पनि गत वर्ष क्याम्पसमा प्रो–प्यालेस्टिनी गतिविधिहरूमा नेतृत्वदायी भूमिका खेलेका थिए । मार्च ८ मा खलिल पक्राउ परेका थिए । संगै जो अमेरिकी भुमिमा आन्दोलन गरी रहेका थिए उनिहरु अरुको पनि खोजी भई रहेको छ । यस अघि नै एक आप्रवासन न्यायाधीशले शुक्रबार खलिललाई देशनिकाला योग्य ठहर गरी सकेको छ ।