अमेरिकी फेडरल रिजर्भका अध्यक्ष जेरोम पावेलले राष्ट्रपति डोनाल्ड ट्रम्पको भन्सार नीतिहरू केन्द्रीय बैंकका लागि चुनौतिपूर्ण स्थिति सिर्जना गरिरहेको बताएका छन । ती नीतिहरू पुनरावलोकन नगरेको खण्डमा महँगी बढ्ने सम्भावना रहेको बताएका छन् । पावेलको यो टिप्पणीले अमेरिकी सेयर बजारहरू पहिले नै चिप निर्माता कम्पनी एनभिडियामाथि लगाइएको नयाँ व्यापार प्रतिबन्धका कारण गिरावट आएको थियो । उनले शिकागोको सम्बोधन गर्दा बजारमा झन् गिरावट आएको थियो ।
पावेलले भनेका छन “नयाँ प्रशासन व्यापार, आप्रवासन, राजस्व नीति र नियमन यी चार छुट्टाछुट्टै क्षेत्रहरूमा महत्वपूर्ण नीतिगत परिवर्तनहरू लागू गर्ने प्रक्रियामा छ । ती नीतिहरू अझै पनि विकासोन्मुख छन्, र तिनको अर्थव्यवस्थामा पर्ने प्रभाव अहिलेसम्म अत्यन्त अनिश्चित रहेको बताए । जेरोम पावेलले भनेअनुसार, अमेरिकाको अर्थव्यवस्था अहिलेको अवस्थामा राम्रो स्थितिमा भए तापनि, डोनाल्ड ट्रम्पका भन्सार नीतिहरूले “कम्तिमा पनि अस्थायी रूपमा महँगीमा वृद्धि ल्याउने सम्भावना“ रहेको र “महँगीको असर अझ लामो समयसम्म पनि रहन सक्ने अनुमान गरेका छन ।
शेयर गिरावटको प्रभाव एसिया र युरोपसम्म फैलिएको छ । अब कम्पनीले अप्रिल २७ मा समाप्त हुने वित्तीय त्रैमासिकमा करिब ४५.५ अर्ब घाटा रिपोर्ट गर्ने अपेक्षा गरेको छ, जुन चिपहरूको मौज्दात र पहिल्यै गरिएको बिक्री प्रतिबद्धतासँग सम्बन्धित लागतहरूलाई समेट्छ । एसियाली बजारमा पनि असर देखिएको छ । दक्षिण कोरियाका सेमीकन्डक्टर कम्पनीहरूको सेयर लगभग ४% ले झरेको छ । ट्रम्प प्रशासनको यी भन्सार र निर्यात नियन्त्रण नीतिहरूले बजारमा व्यापक अनिश्चितता सिर्जना गरिरहेको छ, जसले महँगी, टेक्नोलोजी कारोबार, र अन्तर्राष्ट्रिय व्यापारमा थप दबाव ल्याउने सम्भावना देखिएको छ । राष्ट्रपति ट्रम्पले भने यो केहि समयका लागि भएकोले दुरगामी रुपमा यसबाट राष्ट्रले फाईदा पाउने बताउँदै आएाक छान ।
