अमेरिकी सर्वोच्च अदालतले बिहीबार राष्ट्रपति डोनाल्ड ट्रम्पको जन्मसिद्ध नागरिकतामाथिको प्रतिबन्ध हाललाई स्थगनमा राख्ने आदेश दिंदै यस मुद्दामाथि बहस सुन्ने सहमति जनाएको छ । सर्वोच्च अदालतका अनुसार त्यो बहस आगामी मे महिनामा हुने जनाईएको छ ।
राष्ट्रपति ट्रम्पको कार्यकारी आदेशले अमेरिकी भूमिमा अवैध रूपमा बसोबास गरिरहेका व्यक्तिहरूबाट जन्मेका सन्तानलाई जन्मसिद्ध नागरिकताको अधिकार नदिन खोजेका छन । राष्ट्रिय सुरक्षाका हिसाबले यो विषय सहि भन्दै आएका छन । तर देशभरिका तीन जिल्ला अदालतहरूले उक्त आदेशलाई रोक लगाएका छन् । अपिल अदालतहरूले ती फैसला उल्ट्याउने निर्णय गरेका छैनन् । किन की सो विषय सविधानमा नै उल्लेख भएकोले अदालतहरुलाई आदेश दिन कस्ने अवस्थामा छैनन ।
रिपब्लिकन प्रशासनले ती आदेशहरूलाई संकुचित बनाएर कम्तीमा केही क्षेत्र वा अधिकांश स्थानमा नीति लागू गर्न अनुमति मागेको थियो, जबसम्म कानुनी चुनौतीहरू जारी रहन्छन् । यही विषयमा सर्वोच्च अदालतमा मे १५ मा बहस हुने अपेक्षा गरिएको छ । जन्मसिद्ध नागरिकताको अधिकारले अमेरिकामा जन्मिने जो–कोहीलाई, अवैध रूपमा बसेका आमा–बुबाका सन्तानलाई समेत, स्वतः अमेरिकी नागरिक बनाउँछ । यो अधिकार अमेरिकी गृहयुद्धपछिको संविधानको १४औँ संशोधनमार्फत सुनिश्चित गरिएको हो ।

ट्रम्प र उनका समर्थकहरूले अमेरिकी नागरिकता प्राप्त गर्न अझ कडा मापदण्ड हुनु पर्ने तर्क गर्दै आएका छन् । उनले राष्ट्रपति पदमा पुनः कार्यभार सम्हालेको केही समयमै हस्ताक्षर गरेको कार्यकारी आदेशमा अमेरिकी नागरिकता “अमूल्य र गहिरो उपहार” भएको बताएका थिए । ट्रम्प प्रशासनले तर्क गरेको छ कि गैर–नागरिकका सन्तानहरू संविधानको १४औं संशोधनमा उल्लेख गरिएको “संयुक्त राज्य अमेरिकाको अधीनमा” भन्ने वाक्यांशअन्तर्गत नपर्ने भएकाले उनीहरू नागरिकताको हकदार हुँदैनन् । सर्वोच्च अदालतले उक्त मुद्दा सुन्ने सहमति जनाएपछि ट्रम्पले आफू “अत्यन्त खुसी” भएको प्रतिक्रिया दिएका छन् ।
“मलाई लाग्छ यो मुद्दालाई धेरैले गलत रूपमा बुझेका छन्,” ट्रम्पले ओभल अफिसमा पत्रकारहरूसँग भने । उनले १४औं संशोधन गृहयुद्धपछि पारित भएको स्मरण गराउँदै भने, “यसको जड दासप्रथासँग सम्बन्धित छ ।” “यदि हामी त्यसरी हेर्छौं भने, हामी यो मुद्दामा जित्नेछौं,” ट्रम्पले दाबी गरे । उता राष्ट्रपति ट्रम्पको कार्यकारी आदेश रोक्न मुद्दा हाल्ने राज्यहरू, आप्रवासीहरू र मानवअधिकार समूहहरूले प्रशासनमाथि जन्मसिद्ध नागरिकताका बारेमा लामो समयदेखि कायम रहेको समझदारीलाई ध्वस्त पार्ने प्रयास गरेको आरोप लगाएका छन् । राष्ट्रिय सुरक्षाका हिसावले यो अमेरिकाको समस्या बन्दै आएको छ । बच्चा जन्मेपछि उसको आमा वा बाबुको भार पनि अमेरिकामाथी पर्दै आएकोले अबैध आप्रवासनको समस्या बढी रहेको निश्कर्ष छ ।