अमेरिकामा अबैध आप्रवासीमाथी वर्तमान राष्ट्रपति डोनाल्ड ट्रम्प प्रशासनले व्यापक धरपकड गरी रहेको छ । आफ्नो चुनावी नारा अनुसार नै राष्ट्रपतिको कार्यभार सम्हालेदेखि नै अमेरिकी सरकारले अबैध र अपराधिक गतिविधिमा संलग्नहरुलाई खोजी खोजी पक्राउ गर्दै देश निकाला गरी रहेको छ । यो समाचार मुलधारको सन्चार माध्यम भन्दा पनि सोसल मिडियाहरुमा र्यूमर जसरी हल्ला फैलिएको छ कि अब अमेरिकी भिषा कडाई भयो, अमेरिका बस्नै नमिल्ने भयो वा अब अमेरिकाले सबै आप्रवासीलाई फर्काउँदै छ, जस्ता अनावश्यक हल्ला चलाईएको बेला नेपालस्थित अमेरिकी दुतावासबाट अमेरिकी भिषा पाउने नेपाली विधार्थीको संख्या उल्लेख्य मात्रामा बढेको तथ्यांकले देखाएको छ ।

राष्ट्रपति ट्रम्पले कार्यभार सम्हालेपछिको फेब्रुअरी २०२५ मा अमेरिकाको विद्यार्थी भिसा एफ वान पाउने नेपाली विद्यार्थीहरूको संख्याले नयाँ कीर्तिमान कायम गरेको हो । अमेरिकी सरकारको विदेश मन्त्रालय अन्र्तगत ब्यूरो अफ कन्सुलर अफेयर्सद्धारा सार्वजनिक गरेको तथ्यांकअनुसार फेब्रुअरीमा ८०२ जना नेपाली विद्यार्थीहरूले एफ वान भिसा प्राप्त गरेका छन् । जुन जनवरी २०२५ को तुलनामा मात्र नभई चालु आर्थिक बर्षका कुनै पनि महिनाका तुलनामा यो तथ्यांक उल्लेख्य हो । यहाँ तल प्रस्तुत गरिएका केहि चार्टमा उल्लेख भएका तथ्यांकहरु हेर्दा काठमाडौं र अन्य मुलुकबाट अमेरिकी भिषा लिने नेपाली विधार्थी वा अन्य तहको भिषा लिनेहरुको संख्या फरक रहेका छन । जसमा काठमाडौं र नेपाल भनिएको छ । अघिल्लो बर्ष अर्थात २०२४ को तुलना गर्ने भने पनि जनबरीमा विधार्थी भिषा एक हजार ५० ले पाएका थिए भने फेबु्रअरीमा १८४ ले भिषा पाएका थिए ।

यो वृद्धिलाई विगतका महिनाहरूसँग तुलना गर्दा डिसेम्बर २०२४ मा ६१६ जना, नोभेम्बरमा १६७ जना र अक्टोबरमा ७१२ जना नेपाली विद्यार्थीहरूले एफ वान भिसा पाएका थिए । अमेरिकी विदेश मन्त्रालयको ब्युरो अफ कन्सुलर अफेयर्सको तथ्यांक अनुसार आर्थिक बर्ष २०२४ मा १३,१८७ नेपालीलाई अमेरिकाको विद्यार्थी भिसा प्रदान गरिएको थियो, जुन अघिल्लो आर्थिक वर्ष २०२३ को तुलनामा दोब्बरभन्दा बढी देखिन्छ । गत महिना आईसद्धारा केहि नेपाली विधार्थीको सेभिज र भिषा रद्द गरिएको समाचार आएका थिए । आइसको सेभिस रिपोर्ट अनुसार अमेरिकामा नेपाली विद्यार्थीहरुको संख्या १६ हजार ९३३ रहेको छ । आइसका अनुसार जेजति विधार्थीहरुको सेभिज र भिषा रद्द भएका छन उनिहरुको कुनै न कुनै रेकर्डका आधारमा भएका छन । अमेरिकी विदेश मन्त्रीले पटक पटक विधार्थीहरुलाई सदैव स्वागत गर्ने तर अमेरिकी विदेश नीति विपरित वा अमेरिकी सरकारद्धारा आतंककारी घोषणा गरिएकाहरुको पक्षमा आन्दालेन गर्ने विधार्थीहरु डिर्पोट हुने बताउँदै आएका छन ।