राष्ट्रपति डोनाल्ड ट्रम्पले कार्यभार सम्हालेपछिको आफ्ना पहिलो १०० दिनमा ४ हजार जना विदेशी विद्यार्थीहरूको भिसा रद्द गरेको छ । तीमध्ये अधिकांशले अमेरिका भित्र आगजनी, आक्रमण, र डकैतीजस्ता अपराधहरू गरेका थिए, द पोष्टले जानकारी पाएको छ । एक वरिष्ठ स्टेट डिपार्टमेन्ट स्रोतका अनुसार, भिसा रद्द गरिएका ९० प्रतिशतभन्दा बढी विद्यार्थीहरूले आगजनी, वन्यजन्तु तथा मानव तस्करी, बाल अपाङ्गता जोखिममा पार्ने, घरेलु हिंसा, मादक पदार्थ सेवन गरेर सवारी र डकैती जस्ता गम्भीर अपराधहरू गरेकोले उनिहरुको भिषा रद्द भएका हुन । तीमध्ये ५०० भन्दा बढीमाथि आक्रमणको आरोप लागेको थियो ।
स्टेट डिपार्टमेन्टले होमल्याण्ड सेक्युरिटी विभागसँग मिलेर आफ्ना डेटाबेसहरू प्रयोग गरेर ती सूचना कानून कार्यान्वयन निकायहरूको अभिलेखसँग तुलना गरेपछि तुलना गर्दा दोषी देखिएकाहरु कारबाहीको भागीदार भएको जनाइएको छ । गंभीर अपराध गरेकाहरुको भात्रै भिषा रद्द गरिएको सामान्य गल्ती भएका वा सजायँभागी सकेको ससन्र्दभमा कुनै कारबाहीको भागीदार नभएको आज न्यूयोर्क पोष्टमा प्रकारित समाचारमा उल्लेख छ ।
धेरै जसो भिषा रद्द हुनेहरु एशिया र मध्यपूर्वबाट आएका ती हजारौं विद्यार्थीहरूलाई अमेरिका भित्रको उनीहरूको स्थिति स्टेट डिपार्टमेन्टले खारेज गरिदिएको जानकारी तुरुन्तै दिइएको थियो । केही विद्यार्थीहरू आफैं देश छाडिसकेका छन् भने बाँकीलाई ट्रम्पको सामूहिक देशनिकाला कार्यक्रम अन्तर्गत छिट्टै आप्रवासन अधिकारीहरूले पक्राउ गर्ने बताइएको छ ।
विधार्थी भिषा रद्द भएको सन्र्दभमा विदेशमन्त्रि मार्क रुबियोले हालैको मन्त्रीस्तरीय बैठकमा भनेका छन “यदि तपाईं यो देशमा विद्यार्थीको रूपमा आउनुहुन्छ भने, हामी तपाईंले कक्षामा जानुहोस्, अध्ययन गर्नुहोस्, र डिग्री हासिल गर्नुहोस् भन्ने अपेक्षा गर्छौं। यदि तपाईं यहाँ पुस्तकालयमा तोडफोड गर्न, क्याम्पस कब्जा गर्न, र विभिन्न किसिमका उटपट्याङ गतिविधिहरू गर्न आउनुभएको हो भने, हामी यस्ता व्यक्तिहरूलाई यहाँबाट हटाउनेछौं । “
