पछिल्लो केहि बर्ष विश्वभरी नै आप्रवासी बिरोधी भावना बढेर गएको छ । चाहे त्यो चुनावी अभियानका क्रममा होस वा राजनीतिक दलहरुको प्राप्त गर्ने मतका आधारमा । भारत, ईन्डोनेसिया, फ्रान्स हुदै अमेरिकाबाट अब बेतायत पुगेको छ । ब्रिटेनको आप्रवासीविरोधी र अमेरिकी राष्ट्रपति डोनाल्ड ट्रम्प समर्थक मानिएका रिफर्म यूके पार्टीले इंग्ल्यान्डको स्थानीय चुनावमा ठूलो फड्को मारेको छ । जसले देशका दुई प्रमुख दल लेबर र कन्जरभेटिभ पार्टीको परम्परागत राजनीतिक प्रभावलाई गंभीर चुनौती मात्रै दिएको छैन उनिहरुलाई पछार्दै अगाडी बढेको छ ।
रिफर्म यूकेका नेता नाइजेल फराजले आफ्नो पार्टीले कन्जरभेटिभ (टोरी) पार्टीलाई पछि पारेर अब मुख्य विपक्षी दल बनेको दाबी गरेका छन् । जब पार्टीले कम्तिमा छवटा काउन्टी काउन्सिल, एक मेयर पद जितेको र एकपटक सुरक्षित मानिएको संसदीय क्षेत्रको उपचुनावमा सत्तारूढ लेबर पार्टीलाई झिनो अन्तरले हराएको छ ।
१ मेको चुनावबाट शुक्रबारसम्म मतगणना जारी रहँदा, लेबर र कन्जरभेटिभ पार्टीहरूको संयुक्त मत प्रतिशत ५०% भन्दा धेरै कम देखिएको छ भने आधुनिक राजनीतिक इतिहासमा यस्तो पहिलो पटक भएको हो । यसले राष्टवादी धारको पक्षमा जनमत देखिएको छ ।
इंग्ल्यान्डको मिडल्यान्ड्स र उत्तर क्षेत्रका केही काउन्टीहरूमा रिफर्म यूके पाटीले ६०% भन्दा बढी मत प्राप्त गरेको छ । यसले मतदाताहरूको लेबर सरकारप्रति मोहभंग, र कन्जरभेटिभ पार्टीको २०१० देखि २०२४ सम्मको शासनकालमा प्रति असन्तुष्टिको लाभ उठाएको देखिन्छ । रिफर्म यूकको चुनावी अभियान आप्रवासीविरोधी भावना केन्द्रित थियो, जुन फराजले लामो समयदेखि प्रवद्र्धन गर्दै आएका थिए । लिबरल डेमोक्र्याटहरूले पनि केही काउन्सिलहरूमा सिमित रूपमा प्रगति गरेका छन्, प्रायः कन्जरभेटिभ पार्टीको घाटाबाट पुर्ति गरेको देखिन्छ ।
देशभर रिफर्म यूकले ३०% मत प्राप्त गरेको छ, लेबर २०% मा दोस्रो स्थानमा रहेको छ, लिबरल डेमोक्र्याटहरू १७% मा तेस्रो स्थानमा छन् भने कन्जरभेटिभहरू १५% मा चौथो स्थानमा झरेका छन् । यसबाट विश्वभर नै आप्रबासी बिरोधी भावना बढेर गएको छ । डोनाल्ड ट्रम्पलाई आफूले “प्रेरणाको स्रोत” मानेको भन्दै आएका फराजले भने, आफ्नो पार्टीले नेतृत्वमा रहेका काउन्टी काउन्सिलहरूले स्थानीय होटेलहरूमा शरणार्थीहरू राख्ने सरकारी योजनालाई रोक्ने बताएका छन । सो पार्टीले देशमा शरणार्थी आवश्यक नभएकोले अबैध शरणार्थी उनिहरुकै देशमा डिपोर्ट गर्ने बताएका छन ।
