अबैध आप्रवासी हटाउने अभियान स्वरुप अमेरिकाको डिपार्टमेन्ट अफ होमल्याण्ड सेक्युरिटीले आफुखुसी अमेरिका छाडेमा त्यस्ता व्यक्तिलाई केहि सहायता र प्रतिव्यक्ति एक हजार डलर दिईने घोषणा गरेको छ ।
जोसंग कागजात छैन त्यस्ता आप्रवासीहरूलाई स्वेच्छिक रुपमा आआफ्नो देश फर्कन प्रेरित गर्ने उदेश्यले त्यस्तो अफर शुरु गरिएको बताइएको छ । सरकारी प्रक्रिया पुरा गरेर डिर्पोर्ट गर्न भन्दा सरकारका लागि यो बाटो बाट सजिलो हुने बझाई छ । त्यसरी अमेरिका छोड्न ईच्छुक व्यक्तिले सीबीपी वन एपमार्फत गर्नु पर्नेछ । त्यस एपमा आफ्नो सुचना राखेपछि सरकारी पक्षले सम्पर्क गरी प्रक्रिया अगाडी बढाइने बताइएको छ ।
डिपार्टमेन्ट अफ होमल्याण्ड सेक्युरिटीले यो कार्यक्रमले परम्परागत देशनिकालाको प्रक्रियाहरूको विकल्प प्रदान गर्ने भन्दै गिरफ्तारी, हिरासत र आइसमार्फत देशनिकाला गर्ने प्रक्रिया पनि जारी राख्ने जनाएको छ । यस प्रक्रियामा सहभागीता भए ७० प्रतिशतसम्म लागत घट्ने सरकारले अपेक्षा गरेको छ । विगतमा जस्तै परम्परागत रुपमा डिर्पोट गर्दा प्रतिव्यक्ति १७ हजारभन्दा बढी खर्च लाग्ने देखिन्छ ।
होमल्याण्ड सेक्युरिटी विभागले अवैध आप्रवासीहरूलाई उनीहरूको मातृदेश फर्कनका त्यसरी पाउने रकम एक हजार डलर पाउन उनीहरूको मातृदेशमा फर्किएको पुष्टि भएपछि प्रदान गरिने जनाइएको छ । स्वईच्छाले अमेरिका छोड्ने एक सम्मानजनक तरिका हो, जसले अवैध आप्रवासीहरूलाई पक्राउ पर्नबाट बच्न सहयोग पु¥याउँछ । भत्ताको लागत हुँदाहुँदै पनि, हाल अवैध आप्रवासीलाई पक्राउ, थुनुवा, र निष्कासन गर्नको औसत लागत १७ हजार १२१ रहेको छ । यात्रा सहायता कार्यक्रमको पहिलो प्रयोग सफल भइसकेको होमल्याण्ड सेक्यूरिटी अफिसले जनाएको छ ।
कुनै पनि अबैध आप्रवासीले ईच्छाले अमेरिका छोडेमा भविष्यमा अवैध आप्रवासीलाई कानुनी रूपमा पुनः अमेरिका प्रवेश गर्न सक्ने सम्भावनालाई सुरक्षित राख्न पनि सहयोग गर्ने बताइएको छ ।
