पोचुगल सरकारले चुनावी तयारीका क्रममा अवैध रूपमा बसोबास गरिरहेका करिब १८ हजार विदेशी नागरिकहरूलाई निष्कासन गर्ने योजना सार्वजनिक गरेको छ । पोर्चुगलमा प्रारम्भिक आम निर्वाचन मे १८ मा गर्ने छ । विश्वभरी नै यतिखेर आप्रवासी बढी रहेका देशहरुमा पहलिो चुनावी एजेण्डा अबैध आप्रवासी हटाउने हुन थालेपछि पोर्चुलमा पनि यो मुद्दा पहिलो बनन थालेको हो ।
राष्ट्रपतिका मन्त्री अन्तोनियो लाइटाओ अमारोले बताएका अनुसार देशमा अवैध रूपमा रहेका व्यक्तिहरूलाई देश छोड्न करिब नोटिस जारी गर्ने भएको हो । त्यस समयसिमाभित्र नछाडे पक्राउ गरी डिर्पोट गर्ने जनाइएको छ ।
मन्त्रीका अनुसार अधिकारीहरूले आगामी हप्ता करिब ४ हजार ५०० विदेशी नागरिकहरूलाई २० दिनभित्र स्वेच्छाले देश छोड्न अनुरोध गरेर प्रक्रिया सुरु गर्नेछन् । जसले उक्त अनुरोधको पालना नगर्नेहरु बलपूर्वक देश निकाला गरिनेछ । अमारोले जोड दिए कि यी कदमहरू ती व्यक्तिहरूको विरुद्धमा लिइएका हुन् जसले पुर्तगाल र युरोपेली नियमहरूको उल्लंघन गर्दै देशमा अवैध रूपमा प्रवेश गरेका छन् वा बसेका छन् ।
प्रधानमन्त्री लुइस मोंटेनेग्रोले मार्चमा आकस्मिक निर्वाचनको घोषणा गरेका थिए, जब संसदमा विश्वासको मत गुमाएपछि उनी नेतृत्वको अल्पमत सरकार, जुन रूढीवादी सामाजिक लोकतान्त्रिक पार्टीद्वारा सञ्चालित थियोे । राष्ट्रपतिका मन्त्री अन्तोनियो लाइटाओ अमारोले भने अनुसार, सरकारले आगामी हप्ता निष्कासन नोटिसहरू जारी गर्न सुरु गर्नेछ ।
विपक्षी दलहरू, विशेष गरी समाजवादी पार्टीले यस कदमको आलोचना गरेका छन्, र यसलाई दक्षिणपन्थी मतदाताहरू विशेष गरी पछिल्ला वर्षहरूमा उल्लेखनीय प्रभाव बढाइरहेको दूर–दक्षिणपन्थी चेगा पार्टीप्रति सहानुभूति राख्ने मतदाताहरूको समर्थन बटुल्ने प्रयोजनले चालिएको लोकप्रीयतावादी रणनीतिको रूपमा व्याख्या गरेका छन् ।
संसद विघटन र प्रारम्भिक निर्वाचन र १९७४ को कार्नेसन क्रान्तिपछि बढ्दो राजनीतिक अस्थिरताको बीचमा करिब तीन वर्षभित्रै पुर्तगालमा तेस्रो निर्वाचन हुने भएको हो । यस क्रममा पछिल्लो समय ठुलो सख्यामा रहेका नेपालीहरु पनि यस घोषणाबाट प्रभावित हुनेछन ।
पोर्चुगलमा ५१ देखि ६० हजार अनुमानित नेपाली रहेको बताईन्छ । जसमा कति अबैध रुपमा बसेका छन त्यसको एकिन तथ्यांक छैन । पोर्चुगलमा सबैभन्दा धेरै नेपाली बसोबास गर्ने भनेको लिसबनको बेजा, फारो, सेतुबल, जिल्लाहरुमा हो । सन २०२२ मा २३ हजार भन्दा बढी नेपालीहरुले पोचुगलको कानुनी कागजात बनाएको उल्लेख छ । सन २०१९ मा पोर्चुगलमा २८८१ अबैध नेपाली रहेको तथ्यांक सार्वजनिक भएको थियो । तर अहिले त्यो सख्या एकिन छैन । पोचुगलमा ब्राजिलियन पछि सबैभन्दा धेरै अबैध आप्रवासी नेपाली रहेको विभिन्न तथ्यांकहरुले जनाएको छ । पोचुगलमा नेपालीहरु पर्यटक भिषामा आउने, अन्य यूरोपियन मुलुक आएर सजिलै कागजात बनाउने अनि अन्यत्र जाने चलन बढी छ । त्यसैले पोर्चुगलमा चलायमान नेपालीको सख्या यसै भन्न सकिन्न ।
पोचुगल लामो समयदेखि आप्रवासीहरूका लागि गन्तव्य रहँदै आएको छ, विशेषगरी अफ्रिकाका पूर्व उपनिवेशहरू र ब्राजिलबाट बढी आउँछन । अघिल्लो केही वर्षहरूमा देशको आप्रवासन नीति तुलनात्मक रूपमा लचिलो रहेको भए पनि, हाल अनधिकृत आप्रवासनमा आएको वृद्धिले सीमा नियन्त्रण र सुरक्षासम्बन्धी बहसलाई तीव्र बनाएको छ ।
