२०२६ को फिफा विश्वकप सुरु हुन एक वर्ष बाँकी छँदै, फिफाले अमेरिकाभर आयोजना हुने खेलहरूका लागि महँगो मूल्यका पहिलो टिकट प्याकेजहरू सार्वजनिक गरेको छ । विस्तारित स्वरूपमा आयोजना हुने आगामी विश्वकप अमेरिका, क्यानडा र मेक्सिकोमा संयुक्त रूपमा हुनेछ । यो प्रतियोगितामा अहिलेसम्मकै धेरै, ४८ टोलीहरू सहभागी हुनेछन् र ५ हप्तामा १०४ खेलहरू सञ्चालन हुनेछन् ।
१६ ओटा होस्ट सहरहरूमध्ये ११ सहर अमेरिकाभित्र पर्छन्, जसले गर्दा उत्तर अमेरिकाका केही सबैभन्दा ठूला र प्रसिद्ध रंगशालाहरूमा खेलहरू आयोजना हुनेछन् । अमेरिकामा विभिन्न खेल हेर्ने चाहना राख्ने प्रशंसकहरू अहिले टिकट प्याकेज खरिद गर्न सक्ने भए पनि, तिनीहरूको मूल्यले धेरैलाई चकित तुल्याउने खालका छन ।
फिफाले आफ्नो आतिथ्य साझेदार अन लोकेसन नामक सस्थासँग मिलेर स्थान, टोली र खेलको आधारमा तीन प्रकारका प्याकेजहरू सार्वजनिक गरेको हो । हाल उपलब्ध सबैभन्दा सस्तो प्याकेज प्रतिव्यक्ति ५ सय ३०० डलर रहेको छ भने सबैभन्दा महँगो विकल्पको मूल्य ७३ हजार २०० रहेको छ ।
सन् २०२६ को फिफा विश्वकपका लागि सबैभन्दा महँगो र उत्साहजनक प्याकेजमा मेटलाइफ स्टेडियममा हुने सबै आठ खेलहरूको टिकट समावेश छ । जसमा फाइनल खेल पनि पर्दछ । यस प्याकेजमा साइडलाइन सिट र भव्य पिचसाइड लाउन्जको पहुँचसमेत प्रदान गरिएको छ । त्यस्तै किसिमका प्याकेजहरू अमेरिकामा रहेका सबै ११ ओटा रंगशालाहरूका लागि उपलब्ध छन् जसमा सोफी स्टेडियम र एटी एनटी स्टेडियम समेत पर्छन् । यदि समर्थकहरूले कुनै एक विशेष स्थानमा सबै खेलहरू हेर्न चाहन्छन् भने पनि त्यस्ता सुविधाहरु छन ।
किन्नेहरूले कुनै एक टिमका समूह चरणका सबै खेलहरू र सम्भावित राउन्ड अफ ३२ को खेल हेर्न सकिने फलो माई टिम प्याकेज पनि लिन सक्छन् । उदाहरणका लागि, स्पेनका लागि यो प्याकेज किन्नेहरूले ला रोजा का प्रारम्भिक चार खेलहरू प्रतिव्यक्ति न्यूनतम ८ हजार ९५० डलरमा हेर्न पाउनेछन् ।
तेस्रो र सबैभन्दा किफायती प्याकेज हो “फोर म्याच “ सिरिज । यसमा समर्थकहरूले अमेरिकाभर हुने चारवटा समूह चरणका खेलहरू हेर्न सक्नेछन् । यसको सुरुवाती मूल्य ५ हजार ३०० डलर बाट सुरु हुन्छ ।
संयुक्त राज्य अमेरिका आगामी गर्मी याममा विश्वभरका फुटबल समर्थकहरूलाई स्वागत गर्न तयारी गर्दैछ । २०२६ को विश्वकपका सामान्य टिकटहरू यस वर्षको अन्त्यतिर बिक्रीमा आउने अपेक्षा गरिएको छ, तर तिनीहरूको सरल मूल्य कति हुन्छ भने अझै निश्चित भएको छैन ।
टिकट र खेलको विस्तत जानकारीका लागि तलको लिंकमा गएर हेर्न सकिन्छ ।
https://onlocationexp.com/news/fifa-announcement
