अमेरिकाको लुजियाना विश्वविधालयमा पढ्ने २ नेपाली विधार्थीको कार दुर्घटनामा निधन, २ घाईते
अमेरिकामा नेपाली विधार्थी चढेको कार दुर्घटना हुँदा दुई जना विधार्थीको निधन भएको छ । अन्य दुई जना घाईते भएका छन । कार दुर्घटनामा लुइजियाना टेक विश्वविद्यालयमा अध्ययनरत दुई नेपाली विद्यार्थीको निधन हो । लुइजियाना टेक विश्वविद्यालयमा अध्ययनरत दुई अन्तर्राष्ट्रिय विद्यार्थीको ज्यान जाने गरी भएको सवारी दुर्घटनाको लुइजियाना राज्य प्रहरीले अनुसन्धान गरिरहेको छ ।
स्थानीय नोई ८ समाचारमा जनाइए अनुसार लुइजियाना टेक विश्वविद्यालयमा अध्ययनरत दुई अन्तर्राष्ट्रिय विद्यार्थीको ज्यान जाने गरी भएको सवारी दुर्घटनाको लुइजियाना राज्य प्रहरीले अनुसन्धान गरिरहेको छ । नेपालका २२ वर्षीय रजन यादव र २० वर्षीय रोजिन ओलीको २०२५ जुलाई १३, शनिबार साँझ ९ बजे अघि भएको कार दुर्घटनामा मृत्यु भएको हो ।
लुइजियाना राज्य प्रहरीले जनाए अनुसार, यादवले होन्डा एकार्ड चलाइरहेका थिए र उनीसँग ओलीसहित दुई जना अरू यात्रु पनि थिए । घटना यूएस हाइवे ८० मा तीव्र वर्षाका बेला भएको थियो । प्रहरीका अनुसार, गाडी बाटोबाट ििचप्लिएर रूखमा ठोक्किएको थियो र त्यसपछि आगो लागेर पूरै जलिरहेको अवस्थामा फेला परेको प्रहरीले जनाएको छ । यादव र ओलीको घटनास्थलमै मृत्यु भएको बताइएको छ । गाडीमा सवार अन्य दुई यात्रुहरूलाई स्थानीय अस्पतालमा उपचारका भर्ना गरिएको छ ।
सो विश्वविद्यालयका अध्यक्ष जिम हेन्डरसनले फेसबुकमा लेखेका छन “हाम्रो विश्वविद्यालयमा ‘केयर’ (माया र सहानुभूति) एक महत्वपूर्ण मूल्य हो । आज र सधैं एकअर्काको ख्याल गरौं ।“ विश्वविद्यालयले सामाजिक सञ्जालमार्फत विद्यार्थीहरूका लागि काउन्सेलिङ सेवा उपलब्ध रहेको जानकारी गराएको छ । पोस्टमा भनिएको छ कि विश्वविद्यालयले मृतक विद्यार्थीहरूको सम्झनामा एक स्मृति कार्यक्रमको आयोजना गर्ने तयारी गरिरहेको छ र अन्तर्राष्ट्रिय विद्यार्थी समुदायलाई सहयोग गर्न तत्पर रहेको जनाइएको छ । यो घटनाले लुइजियाना टेक विश्वविद्यालय र नेपाली विद्यार्थी समुदायमा गहिरो शोक र समवेदना ल्याएको छ । विधार्थीहरुको नेपालको ठेगाना एकिन भएको छैन ।
https://www.knoe.com/2025/07/14/two-louisiana-tech-university-students-killed-car-wreck-during-heavy-rainstorm/?fbclid=IwY2xjawLik1RleHRuA2FlbQIxMABicmlkETFyYkhOa3RiYzdjOEplTlc1AR5fnJA9QPs7oIeikVQfIIHIBGy7yFshNbmDmaQd7DtVNU44ICGwO5RAofWKcg_aem_lqo7s3RyIGGUG9drzxoFuA#fece1pvjbt8ius6g4abj7lta469ntc6m
