नेपालमा भिजिट भिषामा विदेश जानेहरुमाथी चारैतिरबाट कडाई गरेपछि नेपालबाट दोश्रो मुलुक हुँदै जानेहरु बढेको विभिन्न तथ्यांकहरुले देखाएको छ । दलालीहरुले पछिल्लो दिनमा भारतको बाटो भएर तेस्रो मुलुक लैजान लागिएका ४० जना नेपाली महिलाको उद्धार गरिएको नेपाल प्रहरीले जनाएको छ ।
गैर कानुनी तरिकाले भारत हुँदै तेस्रो मुलुक लैजान लागिएका महिलाहरुको उद्धार गरी बुधबार नेपाल फर्काइएको दिल्लीस्थित नेपाली राजदूतावासले जानकारी दिएको छ । दलालको प्रलोभनमा परेका उनीहरुलाई भारत हुँदै घरेलु कामदारका रुपमा खाडी मुलुक लैजान लागिएको थियो । तर, भारतीय प्रहरीसँगको सहयोगमा उनीहरुलाई विभिन्न ठाउँबाट उद्धार गरी नेपाल फिर्ता पठाइएको दूतावासले जनाएको छ । नेपालको एयरपोर्टमा कडाई हुन थालेपछि दलालले भारतीय एयरपोर्ट प्रयोग गर्न थालेको बताइएको छ । केहि महिनायता भारतीय विभिन्न एयरपोर्टबाट पक्राय गर्दै फर्काउने कार्य भईरहेको छ ।
भारतस्थित नेपाली दुतावासको समन्वयमा ललाईफकाई वा भिजिट भिषामा जानेहरु अत्यधिक बढेको थाहा पाएर कडाई गरिएको हो । भारतस्थित नेपाली दुतावासले पछिल्लो २ महिनामा सयभन्दा बढी एयरपोर्टबाट फर्काइएको बताइएको छ ।
