अमेरिकाको लुइसियाना राज्यस्थित श्रिभपोर्ट शहरमा भएको सामूहिक गोलीकाण्डमा आठ जना बालबालिकाको मृत्यु भएको छ भने एक किशोरसहित तीन जना घाइते भएका छन्। घटनामा संलग्न संदिग्ध व्यक्तिको पनि मृत्यु भएको छ । जसलाई प्रहरीले गोली हानी मारेको हो। अनुसन्धानकर्ताहरूले यस घटनालाई “दुःखद घरेलु हिंसासम्बन्धी घटना” भन्दै विभिन्न अपराधस्थलहरूको समीक्षा गरिरहेका सन्चार माध्यमहरुले जनाएको छ ।
आइतबार दिउँसो सार्वजनिक गरिएको अद्यावधिक जानकारीअनुसार, संदिग्धले ह्यारिसन स्ट्रिटस्थित एक घरमा एक महिलामाथि गोली प्रहार गरेपछि अर्को घरमा पुगेका थिए, “जहाँ यो जघन्य घटना भएको उल्ल्ेख छ । सो घटनामा प्रहरीका अनुसार १ देखि १४ वर्ष उमेरका आठ जना बालबालिकाको ज्यान गएको छ।
प्रहरीका अनुसार गोलीकाण्ड एउटै स्थानमा मात्र नभई शहरका विभिन्न भागमा भएको हो। घटनामा एउटै ब्लकमा रहेका दुई वटा घर र नजिकैको अर्को क्षेत्रको एक तेस्रो घर समेत प्रभावित भएका छन्। यसले घटनालाई अझ जटिल र भयावह बनाएको अधिकारीहरूले बताएका छन्।
प्रहरी टोली बिहान करिब ६ बजे पूर्वी समय अनुसार घटनास्थलमा पुगेको थियो, जहाँ गोली प्रहारपछि घाइतेहरू फेला परेका थिए। प्रारम्भिक प्रतिक्रियापछि संदिग्ध व्यक्ति घटनास्थलबाट भागेका थिए।
