धादिङ नेपाली समाज अमेरिकाको सन् २०२६–२०२८ कार्यकालका लागि नयाँ कार्यसमिति सर्वसम्मत रूपमा चयन भएको छ। अध्यक्ष पदमा हिमाल बी. अधिकारी (सागर) र राज के. गुरुङले उम्मेदवारी दिएका थिए । त्यसैगरी वरिष्ठ उपाध्यक्ष पदमा बलराम श्रेष्ठ र गणेश लम्साल, उपाध्यक्ष पदमा राम मल्ल ठाकुरी र सुदेश्ना अधिकारी तथा सचिव पदमा देवेन्द्र गिरी र श्रीराम खतिवडाले उम्मेदवारी दर्ता गराएका थिए । तर अन्ततः विभिन्न चरणको छलफल र सहमतिपछि सर्वसम्मत कार्यसमिति चयन गरिएको निर्वाचन समितिले जनाएको छ । वरिष्ठ उपाध्यक्ष राज गुरुङ, उपाध्यक्ष राम मल्ल ठाकुरी, महासचिव हरी गिरी, सचिव बलराम श्रेष्ठ, कोषाध्यक्ष एलन तामाङ, सह–कोषाध्यक्ष रामचन्द्र उप्रेती रहेका छन । त्यस्तै बोर्ड सदस्यहरूमा अमिर तामाङ, अर्जुन बोगटी, विवेक बज्राचार्य, दिनेश नहर्की, किसान अधिकारी, मरिराम भट्ट, नवीन रिजाल, राजकुमार श्रेष्ठ, रेशम अधिकारी, सन्दिप धरेल, श्रीराम खतिवडा र देवेन्द्र गिरी बोर्ड सदस्यमा चयन भएका छन् । नवनिर्वाचित कार्यसमितिले अमेरिकामा रहेका धादिङवासीबीच आपसी एकता, सहकार्य तथा सामाजिक सेवाका गतिविधिलाई थप प्रभावकारी बनाउने प्रतिबद्धता व्यक्त गरेको छ ।

निर्वाचन आयुक्त रामहरि अधिकारीले निवर्तमान अध्यक्ष टंक रुवाली, निवर्तमान कार्यसमितिका पदाधिकारी तथा अग्रज सदस्यहरूको पहल र सहजीकरणका कारण मतदानसम्म पुग्ने अवस्था टरेर सर्वसम्मत नेतृत्व चयन गर्न सम्भव भएको बताए । उनले निर्वाचन प्रक्रियालाई सहमतिमा टुंग्याउन सहयोग गर्ने सबैप्रति धन्यवाद व्यक्त गरे ।समाजमा हाल ७४४ जना सदस्य आबद्ध रहेको जनाइएको छ। अमेरिकामा करिब ३ हजारको हाराहारीमा धादिङवासीको बसोबास रहेको अनुमान गरिएको छ।