अमेरिकामा नेपालीको संख्या बढेसंगै नेपाल सरकारले अवैतनिक वाणिज्यदुतको सख्या पनि बढाएको छ । जस अनुसार गत मार्च १५ तारिकका दिन नेपाल सरकारको मन्त्रिपरिषदबाट बोष्टन निवासी प्रल्हाद केसी अवैतनिक वाणिज्यदुतमा नियूक्त भएका छन । केसीलाई चार बर्षका लागि नियूक्त गरिएको छ । अमेरिकी सरकारको स्टेट डिपार्टमेन्टबाट पनि भर्खरै स्वीकृत भएको हो । जस अनुसार अमेरिकामा महावाणिज्यदुत र वाणिज्य दुत गरी जम्मा सख्या सात पुगेको छ । अमेरिकाको म्यासाचुस्टेस राज्यको बोस्टनका लागि वाणिज्य दुतमा प्रल्हाद केसीलाई सरकारले नियूक्त गरेपछि खबरमालासंग कुरा गर्दै आफुलाई राज्यले दिएको जिम्मेवारी ईमान्दारितापुर्वक निर्वाह गर्ने बताए । बोष्टनमा नेपालीको सख्या दिनहाँ बढ्दो छ र त्यहाँबाट पासपोर्ट नविाकरण होस वा अन्य कुनै पनि कन्सुलर सेवा लिन परे वासिंटन नै जानु पर्ने बाध्यता तत्काललाई हटेपछि बोष्टनवासी नेपालीहरु पनि खुसी छन । नवनियूक्त वाणिज्यदुत केसी चार दशकदेखि बोष्टन बस्दै आएका नेपाली र अमेरिकी सुमदायमा निकै परिचित अनुहार हुन ।
नेपाल सरकारले केसीलाई संयुक्त राज्य अमेरिकाको म्यासाचुसेट्स राज्यमा वाणिज्य दूतावास सम्बन्धी कन्सुलर अधिकार क्षेत्रका लागि नेपालका अवैतनिक वाणिज्य दूतका रूपमा नियुक्त गरेको घोषणा गर्न पाउँदा खुसी लागेको उनलाई प्रदान गरेको नियुक्त पत्रमा लेखिएको छ । आफ्नो नयाँ भूमिकामा केसी नेपालको सामाजिक आर्थिक, सांस्कृतिक र व्यावसायिक हित र आफ्नो क्षेत्राधिकार भित्र बस्ने नेपाली नागरिकहरूको संरक्षण र प्रवर्द्धन गर्न जिम्मेवार हुनेछन्, नियुक्त पत्रमा उल्लेख गरिएको छ ।
केसीको बृहत् अनुभव र गहिरो ज्ञान अमेरिकामा नेपालको हितलाई अगाडि बढाउन र दुई देशबीचको द्विपक्षीय सम्बन्धलाई सुदृढ बनाउन अमूल्य हुनेमा नेपाल सरकार विश्वस्त भनिएको छ । नेपाल र अमेरिका बीचको सम्बन्ध निरन्तर फस्टाउँदै गइ रहेको समय केसीको नियुक्ति गरिएको पत्रमा भनिएको छ ।
यस अघि ओहायोका लागि वाणिज्यदुतमा डा दामोदर पौडेल नियूक्त भएका थिए । अमेरिकामा केसीसहित अमेरिकामा सक्रिय वाणिज्यदुत र महावाणिज्यदुतको सख्या ७ पुगेको छ । यस अघि नै वासिंटन स्टेट सियाटलका लागि एसी शेर्पा, क्यालिफोनियाका लागि ऋषि ढकाल, मेरिल्याण्डका लागि प्रेम राजा महत, सिकागोका लागि मार्विन बुष्टिन र मेरी क्यारोल रहेका छन । यसरी वाणिज्यदुत नियूक्ति गर्दा नेपाल सरकारले आवश्यक ठानेको अवस्थामा नेपालीको बसोवासको अवस्था हेरेर हरेक स्टेट वा ठुला शहरका लागि नियूक्त गर्न सक्नेछन ।
