अमेरिकी राष्ट्रपति निर्वाचन नजिकिंदै गर्दा सिएनएन बहसमा राष्ट्रपति जो बाइडेनको कमजोर उपस्थिति भएको भन्दै नोभेम्बरमा हुने राष्ट्रपतीय निर्वाचनमा वैकल्पीक उम्मेदवार बनाउने बहश शुरु भएको छ । तर पनि राष्ट्रपति बाईडेनले भले चुनावबाट पछि नहट्ने दृढता व्यक्त गरिरहेका छन । राष्ट्रपति बाईडेनमाथि उम्मेदवारी फिर्ता लिन दबाब बढ्दै गएको छ । अघिल्लो साता सीएनएनले गराएको पहिलो प्रेसिडेन्सियल डिबेटमा ८१ वर्षीय बाइडेनको प्रस्तुति ७८ वर्षीय ट्रम्पभन्दा कमजोर देखिएको भन्दै डेमोक्र्याटिक पार्टीभित्र उम्मेदवार फेर्नुपर्ने अवधारणा बलियो बन्दै गएको छ ।
यतिखेर धेरैले उपराष्ट्रपति कमला ह्यारिसलाई अगाडी सानुपर्ने बताएका छन भने पुर्व राष्ट्रपति बाराक ओबामाकी पत्नी मिसेल ओबामालाई अगाडी सार्नुपर्ने आवाज बुलन्द बनाएका छन । तर मिसेल ओवामाले आफु राष्ट्रपति उम्मेदावार नबन्ने बताइ सकेकी छिन ।
गत शनिबार डेमोक्र्याटिक पार्टीका थप एकजना संघीय सांसद एन्जी क्रेगले बाइडेनलाई चुनाव नलड्न सुझाव दिए । बाइडेनलाई राष्ट्रपति पदमा पुननिर्वाचित हुने चाहना त्याग्न खुलेरै सुझाव दिने डेमोक्र्याट सांसदको संख्या पाँच पुगेको छ । आगामी दिनमा यो संख्या अझ बढ्दै जाने अनुमान गरिएको छ । शुक्रबार राति एबीसी न्युजलाई दिएको अन्तर्वार्तामा बाइडेनले अब ईश्वरले मात्रै आफूलाई चुनावी अभियान त्याग्न सहमत गराउन सक्ने भन्दै प्रतिस्पर्धाबाट नबाहिरिने अठोट व्यक्त गरे ।
बाइडन चुनाव नलड्ने निर्णयमा पुगेको अवस्थामा ५९ वर्षीय उपराष्ट्रपति कमला ह्यारिस बाइडनको स्वाभावित उत्तराधिकारी हुने रोयटर्सले टिप्पणी गरेको छ । हृयारिसले बाइडेनप्रति आफ्नो पूर्ण समर्थन रहेको दोहोर्याइरहँदा डेमोक्र्याटिक पार्टीका वरिष्ठ नेताहरु भने हृयारिसको पक्षमा खुल्न थालेको जनाइएको छ । पार्टीका पदाधिकारी, चन्दादाता तथा अभियानकर्ताहरुले समेत बाइडेनको तुलनामा हृयारिसले ट्रम्पलाई पराजित गर्न सक्ने सम्भावनाबारे विचारविमर्श गर्न लागेको बताइएको छ । सीएनएनले हालै सार्वजनिक गरेको मत सर्वेक्षणमा बाइडेन ट्रम्पभन्दा कमजोर देखाएको छ भने हृयारिस निकट प्रतिस्पर्धि देखाएको छ ।
अमेरिकी चुनावमा पनि राष्ट्रवादी धारको नेतृत्व गरेका डोनाल्ड ट्रम्पलाई धेरै मानिसहरु राष्ट्रपति भएको हेर्न चाहादैनन तर उनले उठाएको राष्ट्रवादी नाराले गोराहरु भने दिलो ज्यान दिएर लगेका छन । ती गोराहरु ट्रम्प सर्वसाधारणको नजरमा जति नै बदमासी भएनी रोजाईमा परेका छन ।
