आज प्रधानमन्त्री केपी शर्मा ओलीले विश्वासको मत लिँदै नेपाली काँगैृस र नेकपा एमालेबी भएको भनिएको सात बुँदे सहमति पत्र सार्वजनिक गर्ने भएका छन । त्यसका लागि प्रतिनिधि सभाको बैठक आज दिउँसो एक बजे बस्दै छ । प्रधानमन्त्रिले विश्वासको मत लिने कार्यक्रममा त्यो पत्र बाचन गरेर सुनाउने कार्यक्रम रहेको काँग्रेस महामन्त्रि गगन थापा र प्रधानमन्त्रिका मुख्य राजनीतिक सल्लाहकार विष्णु रिमालले बताएका छन । सरकार परिवर्तनमात्रै होइन संविधानमै संशोधन गराउने भनिएको सातबुँदे सहमति पत्रबारे देश र जनतालाई सूचना दिनु आफ्नो न्यूनतम दायित्व हो । यतिखेर आम जनता र नागरिक समाजका अगुवाबीच त्यो कस्तो सहमति हो भन्दै आम रुपमा चासोका साथ हेरिएको छ ।
दुई वा दुई भन्दा बढी दलको समर्थनमा नियुक्त प्रधानमन्त्रीले ३० दिनभित्र प्रतिनिधिसभाबाट विश्वासको मत लिनुपर्ने संवैधानिक प्रावधान अनुसार प्रधानमन्त्री ओलीले आज विश्वासको मत लिन लागेका हुन । नेपाली कांग्रेससमेतको समर्थनमा ३० असारमा प्रधानमन्त्री ओली नियुक्त भएका थिए ।
२७५ सदस्यीय प्रतिनिधिसभामा विश्वासको मत प्राप्त गर्न कम्तिमा १३८ मत चाहिन्छ । ओलीसँग दुई तिहाई बहुमत देखिएको छ । कांग्रेस ८८, एमाले ७९, जसपा ७ र लोसपा ४ सरकारमा सहभागी छन् भने जनमत, नागरिक उन्मुक्ति लगायतका दलले पनि समर्थन गर्ने बताएका छन् । उनको विपक्षमा माओवादी केन्द्र, एकीकृत समाजवादी, रास्वपा र राप्रपालगायत दल छन् ।
