क्यानडास्थित नेपाली दुतावासले क्यानडामा अध्ययनका लागि आउने विधार्थीहरुका लागि सात बुँदे सुझाव सार्वजनिक गर्दै सर्तकता अपनाउन आव्हान गरेको छ । आज जारी सुझावहरुमा खासगरी अध्ययनका लागि क्यानडा आउने विधार्थीहरुका बारेमा सामाजिक सन्जालमा विभिन्न फेक विज्ञापनहरु बढेसंगै केहि ठगिएका घटनाहरु पनि सार्वजनिक भएसंगै सचेत रहन आह्वान गर्दै अध्ययन गर्न क्यानडा आउनुपुर्व ध्यान दिनुपर्ने बुँदाहरु सार्वजनिक गरेको छ ।
दुतावासद्धुारा जारी विज्ञप्तिमा पढ्न आउने विधार्थीहरुले पढ्न जाने कलेज, स्थनीय अवस्था, लाग्ने खर्चलगायत विषयमा राम्ररी अध्धयन गर्ने, क्यानडामा भएका आफन्तहरुसंग राम्ररी परामर्श गर्ने, रोजगारीको संभावना र रोजगारी अवसरका बारेमा जानकारी राख्ने लगायत विषयहरुमा पुर्ण सुचित भएरमात्रै आउन भनिएको सुचनामा समावेस गरिएको छ ।
पछिल्लो समयमा धेरै विधाथीहरुले आवासको व्यवस्थापनमा समस्या भोगेको, रोजगारी नपाएर दैनिकी धान्न कठिन भएको, आवासहरु सामान्य आम्दानीबाट भाडा तिर्न नसकिने अवस्था, जाडोको समयमा काम गर्न नसकिने अवस्था केहि कलेजहरुका बारेमा परामर्शदाता कम्पनिहरुले गलत सुचना दिएर बिधार्थीहरुले निकै कठीनाई भोग्नु परेको कारण पनि त्यस्ता गुनासाहरु गैरआवासिय नेपाली संघ र दुतावासमा आउन थालेपछि सर्तकता अपनाउन दुतावासले सुझाव दिइएको हो । क्यानडाको ओटावास्थित दुतावासद्धारा जारी विज्ञप्तिमा सात बुँदामा विधाथीहरुले आउनुपुर्व ध्यान दिनुपर्ने विषयमा जारी गरेको विज्ञप्ति जस्ताको तस्तै तल उल्लेख गरिएको छ । यस अघि बैशाख १७ गते पनि नेपाली दुतावास क्यानडाले यसैगरी विधार्थीहरुका लागि क्यनडा जाँदा अपनाउनु पर्ने बुँदागत सुझावहरु जारी गरेको थियो ।
