प्रधानमन्त्री केपी शर्मा ओलीले संयुक्त राष्ट्रसंघीय महासभाका लागि अमेरिकाको न्यूयोर्क आउने पक्का भएको छ । आउने पक्का भएसंगै महासभामा र समिट फर फ्यूचरका लागि सम्बोधनको तयारी भईरहेको समाचार राष्ट्र संघीय स्थायी नियोग श्रोतले जनाएको छ । प्रधानमन्त्री केपी शर्मा ओलीले समिट फर फ्यूचरको बैठकमा २२ र राष्ट्रसंघीय महासभामा २६ सेप्टेम्बरका दिन सम्बोधन गर्ने निश्चित भएको हो । राष्ट्रसंघको महासभा सेप्टेम्बर १० देखि २८ सम्म न्यूयोर्कमा हुनेछ । त्यस अन्तर्गत समिट अफ द फ्युचर २२–२३ सेप्टेम्बरमा हुनेछ । त्यसका लागि नेपालबाट विभिन्न गैससमा कार्यरत युवा तथा सामाजिक कर्मीहरुको उपस्थिति रहने छ ।
पछिल्लो पटक ३० असारमा प्रधानमन्त्री भएका ओली विदेश भ्रमणमा गएका छैनन् । प्रधानमन्त्रि कार्यलयले न्यूयोर्कस्थित राष्ट्रसंघीय स्थायी नियोगलाई पनि प्रधानमन्त्रिको भ्रमणका विषयमा जानकारी गराएको तर कुन दिन आई पुग्ने निश्चित नभएको जनाइएको छ । राष्ट्रसंघीय स्थायी नेपाली नियोग न्यूयोर्कले भने प्रधानमन्त्रिको भ्रमण र सम्बोधनको तयारी थालेको बताइएको छ । पछिल्लो पटक प्रधानमन्त्रिका हैसियतमा प्रधानमन्त्रि ओलीले २०१८ को सेप्टेम्बर २७ तारिक राष्ट्रसंघीय महासभामा सम्बोधन गरेका थिए । प्रधानमन्त्रि ओलीसंग अमेरिका भ्रमणका समयमा न्यूयोर्कमा नेकपा एमालेका प्रवास संगठन अमेरिकाले एक अन्र्तक्रिया कार्यक्रम गर्ने जनाएको छ ।
