खबरमाला बिशेष रिपोर्ट
अमेरिकाको भर्जिनिया मनासाबाट हराई रहेकी भनिएको नेपाली नर्स ममता काफ्लेको हत्या भएको आरोेपसहित प्रहरीले अदालतमा उनका श्रीमान् नरेश भट्टलाईलाई पेश गरेको छ । घरभित्रै हत्या गरेर शवलाई घिसार्दै बाहिर निकालिएको र बेपत्ता बनाएको अभियोगमा पक्राउ गरेर शुक्रबार विहान अदालतमा पेश गरिएको थियो । प्रिन्स विलियम काउन्टी जुभेनाइल एण्ड डोमेस्टिक रिलेशन कोर्टमा भर्जिनियाको मनासस पार्क प्रहरीले रेकर्ड गराएको प्रमाण अनुशार शुक्रबार विहान उनलाई अदालतमा पेश गरियो । अदालतमा पेश भएसंगै श्रीमतिको हत्या गरेर श्रीमान नरेश भट्ट भाग्नका लागि पुर्ण तयारी अवस्थामा रहेका बेला बुधबार दिउँसोबाट प्रहरीले घरमा घेरा हाली रातभर अनुसन्धान गरी पक्राउ गर्यो । संभवत त्यस दिन प्रहरी घेरामा नपरेका भए उनि भागी सक्ने थिए । प्रहरीले जव उनको घरमा घेरा हालेरभित्र प्रवेश गरयो नरेश भट्टले उनको पासपोर्ट र तयारी अवस्थामा रहेको एक सुडकेस घरको बैठक रुममा तयारी अवस्था भेट्टाएको अनुसन्धानको क्रममा प्रहरीले जनाएको छ । प्रहरीका अनुसार हत्यागरी प्रमाण नष्ट गरेर भाग्न खोजेको उनको घरबाट बरामद गरिएका प्रमाणहरुले पुष्टि गरेको छ ।
प्रहरीले अदालतमा पेश गर्दा नरेशलाई छैटौ तहको अपराधमा श्रीमति हत्यागरी घिसारेर बेपत्ता बनाएको आरोप लगाएको छ । प्रहरीले अदालतमा पेश गर्दा हत्या आरोपित नरेशले नजिकैको वालमार्टबाट ३० जुलाईका दिन ३ स्थान चक्कु र सरसफाई गर्ने एक प्याकेट सामान किनेको पुष्टि भएको तर ती ३ थान चक्कुमध्ये प्रहरीले उनको घरमा एक थान मात्रै भेट््टाएको छ । प्रहरीको आशंका छ की दुइ थान चक्कु हत्यामा प्रयोग गरी हत्याको प्रमाण मेटाउन सरसफाईको समान प्रयोग गरेको जनाइएको छ । प्रहरीले माष्टर बेडरुमको कार्पेट र बाथरुम रगतका धब्बाहरु र बाथट्रयूव नै फालेको अवस्थामा प्रशस्त प्रमाणहरु भेट्टाएका छन ।
त्यहिमात्रै होईन प्रहरीले केहि व्यक्तिहरु (जसको नाम गोप्य राखिएको छ) संग घर र टेस्ला कार बेच्न कुराकानी गरिरहेको अन्तिम चरणमा पुगेको पनि प्रहरीको छानवीनको क्रममा भेटिएको छ । यो सबै प्रमाणले प्रहरीले उनि श्रमतिको हत्यापछि आफ्नो सम्पति बेचेर भाग्न खोजेको देखिने अनुमान गरेको छ । ममता हराएपछि एक अभियाननै चलाएर प्रहरी प्रशासनलाई दवाव दिई रहेकी नेपाली पत्रकार सच्ची मैनालीका अनुसार आफुले नरेश भट्टसंग गरेको कुराकानी र अन्य श्रोतले दिएको तथ्यका आधारमा उनि भाग्न खोजेको देखिएपछि प्रहरी अनुरोध गरेर छिटो अनुसान्धान गराउन सफल भएको खबरमालासंग बताउनु भयो । पत्रकार मैनालीका अनुसार हत्या आरोपित नरेश प्रहरीमा ढिला खबर गर्नु, आफन्तसंग एक्कासी टाढा बस्नु, र उनले बोल्ने कुराकानीहरु ल्ुाकाएको जस्तो देखिएपछि उनि जतिसक्दो त्यहाँबाट भाग्न खोज्दै थिए त्यसैले हामी(न्यूयोर्कमा कार्यरत अधिकारवादी समुह) हरुले प्रहरीलाई थप आश्वस्त पारेपछि प्रहरी उनको घरमा खानतलासी गर्न गरेको बताईन । यसो कुरामा फक्सन्यूजमा कार्यरत अमेरिकी पत्रकार स्टेफेनी रमिरेजले अनुसन्धानमा खटिएका प्रहरी अधिकृतलाई उदृत गर्दै गरेको ट्रवीट (तल फोटोमा ) बाट पनि पुष्टि हुन्छ की नरेशले ३० तारिक नै ममताको हत्या गरेर प्रमाण मेटाउन प्रहरीलाई ४ दिनसम्म खबर नगरी प्रमाण भेटिन्न भन्ने भएपछि अगष्ट ४ तारिकमात्रै खबर गरेको देखिन्छ । अर्कोतर्फ ममताले प्रयोग गर्ने फोन जुलाई ३० तारिक दिउँसोबाट कसैको फोन नउठेको र अगष्ट १ तारिकसम्म फोन गएर डेड भएको प्रहरीको खोजवीनले पुष्टि गरेको छ ।
अनुसन्धानको क्रममा उनको मृत्युसँग मिल्दोजुल्दो डिजिटल र फोरेन्सिक प्रमाणहरूको पर्याप्त मात्रा बरामद भएको रिपोर्टमा जनाइएको छ । त्यस्तै शव घरभित्रै रहेको र घरबाट बाहिर घिसारेर निकालिएको प्रमाण भेटिएको पनि अदालती कागजातमा उल्लेख गरिएको छ । उनीविरुद्ध शव लुकाएको सम्बन्धमा छैठौं श्रेणीको अपराधको अभियोग अनुसार भर्जिनियामा यो अभियोगमा कम्तीमा १ बर्षदेखि ५ बर्षसम्म जेल सजाय हुनसक्ने प्रावधान रहेको छ । तर प्रहरीले अभियोगमा संसोधन वा थपहुनसक्ने समेत बताएको छ । ममताकी एकबर्षकी छोरीलाई डिपार्टमेन्ट अफ सोसल सर्भिसको हेरचाहमा राखिएको छ । छोरीलाई कम्बलले लपेटेर घरबाहिर निकालिएको थियो । बच्चा सुरक्षित भएको र डिपार्टमेन्ट अफ सोसल सर्भिस तथा प्रहरीद्वारा अनुमोदित उपयुक्त हेरचाहकर्ताद्वारा हेरचाह गरिएको प्रहरीको भनाई छ । प्राप्त प्रमाणहरु प्रहरीले सार्वजनिक गरिएको र अदालतमा पेश गरिएकाबाट लिइएको हो ।
तलको भिडियो भेन्नी पोटानको कोर्ट टिभी यूट्यूव च्यानलबाट साभार गरिएको हो ।
