अमेरिकामा टेक्सासको ह्युष्टनमा गोली लागेर मृत भेटिएकी नेपाली विद्यार्थी मुना पाण्डेकी आमाले आफ्नो छोरीको हत्यारा पत्ता लगाउन अमेरिकामा रहेका नेपाली समुदायलाई अनुरोध गरेकी छिन । एकल महिला अनिता पाण्डे अधिकारीले अमेरिकामा रहेकी छोरीको हत्यामा उनको केटासाथीको संलग्नता हुनसक्ने आशंका गर्दै हत्यारा पत्ता लगाउन माग गरेकी छिन । एकल आमाले हुर्काएकी छोरी भएकोले आफ्नो संरक्षणको सम्पुर्ण आधार सकिएको भन्दै नेपाली समुदायलाई सहयोगका लागि अपिल गरिन । उनले अमेरिका आएर छोरीको हत्यारा पत्ता लगाएको हेर्न पाए आफ्नी मृतक छोरीको आत्माले शान्ति पाउने बताईन । अमेरिकामा कार्यरत पत्रकार सच्चि मैनालीले “सच्चिको साथ” नामक कार्यक्रममा मृतक मुनाकी आमा अनितासंग गरिएको कुराकानीमा उनकी आमाले आफ्नी छोरीको हत्यामा छोरीको केटा साथीको संलग्नता हुनसक्ने आशंका व्यक्त गरेकी हुन । त्यो केटा साथीको बर्ण बताए पनि नाम र फोटो भने तथा अन्य विषय भने सार्वजनिक सार्वजनिक गरिएको छैन ।
अनिता पाण्डे अधिकारीका अनुसार मृतक मुनाले आफुलाई एक गोरो वर्णको केटा (अमेरिकी नागरिक)ले फलो गर्ने गरेको जसका कारण केहि समय संगै घुम्न पनि गएको आफनी आमासंग बताएकी थिइन । मुनाकी आमा अनिताले छोरीले त्यो केटाको फोटो भिडियोपनि समेत आफुलाई पठाएको, घुम्न जाँदा पनि फोटो पठाउने गरेको थियो । पछिल्लो समय त्यो केटासंग सम्बन्ध विग्रिएको बोलचाल बन्द भएको आमासंग बताएकी थिईन । सो केटा साथी भनिएका व्यक्तिले एक्लै कोठामा बसेकी मुनालाई आफुसंगै अपार्टमेन्ट आउन पटक पटक दवाब दिएको छोरीले बताउने गरी थिइन । मृतक मुना २०२१ मा स्नातक अध्ययनका लागि अमेरिका आएकी हुन । शुरुमा अमेरिका आउँदा साथी संग बसेकी मुना केहि समयपछि साथीबाट छुटेर एक्लै बस्दै आएकी आमा अनिताले बताएकी छिन ।
आमा अनिता पाण्डे अधिकारीले सच्चिको साथ गरिएको अन्र्तवार्ताका क्रममा मुनाले बीचमा भने उनीहरुबीच सम्बन्ध त्यती राम्रो नभएको समेत मुनाले आमालाई बताएको जनाइएको छ । आमा अनिता आफ्नो छोरीको मुख हेर्न अमेरिका आउन नेपाल स्थित अमेरिकी दुतावासमा भिषासमेत अनुरोध भइसकेको बताइएको छ । आमाले ४ दिनदेखि मोबाइल अफ रहेको र पहिले पनि बेलाबेलामा अफलाइन हुने गरेकाले कतै घुम्न गएको होला भन्ने ठानेको बताएकी छिन । केहि दिन यता अमेरिकी नेपाली समुदायले निकै दुखद घटनाको सामना गरिरहनु परेको छ । घटनालगत्तै मृतकको शव अस्पतालमा राखिएको छ भने प्रहरीले घटनामा संलग्न हुनेको खोजी गरिरहेको जानकारी पाएको ह्यूष्टनबाट द्रोण गौतमले बताएका छन । मृतक मुना पाण्डेको फोटो खसोखास अनलाईनबाट साभार गरिएको हो
यो भिडिओ पत्रकार सच्चि मैनालीले मृतक मुनाकी आमा अनितासंग गरिएको कुराकानी समेटिएकोे यूट्युब भिडिओबाट साभार गरिएको हो ।
