अबैध बाटो हुँदै अमेरिका जान हिडेका ११ जना नेपाली मेक्सिकन प्रहरी कारबाहीमा गोली लागेर घाईते भएका छन । घाईते रहेका ११ जना प्रहरी हिरासतमा रहेका छन । सोही घटनामा अन्य देशमा ६ जनाको घटनास्थलमा नै निधन भएको प्रहरीले जनाएको छ । मेक्सिकोको दक्षिणी क्षेत्रमा मेक्सिकन सेनाले गोली प्रहार गरेको घटनामा गाडीमा ११ जना नेपाली नागरिक सवार रहेको र उनिहरु सामान्य घाईते अवस्थामा उनीहरू हाल मेक्सिकोको अध्यागमनको हिरासतमा रहेको अमेरिकास्थित नेपाली दुतावासले जारी गरेको सूचनामा जनाइएको छ । सो विज्ञप्तिमा जनाइए अनुसार सोही घटनामा कोही पनि नेपाली हताहती नभएको जानकारी दिएको छ ।
उक्त घटनामा परेर विभिन्न देशका ६ जनाको मृत्यु भएको थियो । घटनामा ११ जना नेपाली सामान्य घाइते भएको उनीहरू हाल मेक्सिकोको अध्यागमनको हिरासतमा रहेको छ । त्यस गाडीमा विभिन्न देशका ३३ आप्रवासी यात्रारत रहेका थिए । मेक्सिकोको रक्षा मन्त्रालयलाई उद्धृत गर्दै बिबिसीले जनाएअनुसार गत मंगलबार साँझ ग्वाटेमालासँगको सीमाबाट करिब २५ माइल ९४ किमि० उत्तरमा घटना भएको थियो । ‘मेक्सिकोको रक्षा मन्त्रालयको विज्ञप्तिअनुसार आप्रवासीहरू इजिप्ट, नेपाल, क्युवा, भारत र पाकिस्तानबाट आएका थिए । मृत्यु हुनेहरू कुन राष्ट्रका हुन् भनेर जानकारी दिइएको छैन,’ बिबिसीको अनलाइन संस्करणमा उल्लेख छ । नेपालीहरूको विस्तृत विवरण भने सार्वजनिक गरिएको छैन ।
मेक्सिकोसँगको कूटनीतिक मामिला हेर्ने अमेरिकास्थित नेपाली राजदूतावासले नेपालीको मृत्यु भएको भन्ने हल्लापछि सम्बन्धित निकायमा औपचारिकरूपमा बुझेको थियो । तीव्र गतिमा गुडिरहेको गाडीलाई मेक्सिकन सेनाले रोक्न खोजेको तर आप्रवासीको गाडी नरोकिएपछि गोली चलाइएको थियो। गोली प्रहार गर्ने सैनिकहरू निलम्बनमा परेका छन् । मेक्सिकोबाट अवैध रूपमा आप्रवासीहरू अमेरिका प्रवेश गर्ने गरेका छन् । यसलाई रोक्न अमेरिकाले दबाब दिँदै आएको छ । गोली लागेका चारजनाको घटनास्थलमै र थप दुईजनाको अस्पतालमा उपचारका क्रममा मृत्यु भएको थियो । घाईते भएकाहरुको नाम भने सार्वजनिक गरिएको छैन ।
नेपालबाट अमेरिका जान ब्राजिल हुँदै लामो रुट प्रयोग हुने गरेको छ । विभिन्न बाटो हुँदै सुरुमा ब्राजिल पुग्ने गरेका नेपाली त्यसपछि पेरु, कोलम्बिया, पनामा, ग्वाटेमाला हुँदै मेक्सिको पुग्ने गरेका छन् । त्यसपछि उनीहरू अवैध रूपमा अमेरिका प्रवेश गर्ने गरेका छन् । अमेरिकास्थित नेपाली दुतावासले उनिहरुको अवस्थाको बारेमा खोजतालास गरिैको बताइएको छ । अमेरिकास्थित दुतावास श्रोतले भन्यो कसैको निधन भएको जानकारी छैन तर घाईतेहरुको अवस्था सामान्य रहेको छ हिरासतमा रहेकोले सबै अवस्ता बताउन मिल्दैन । ती नेपालीहरु कुन जिल्ला वा गाउँको बताइएको छैन
