अमेरिकाको भर्जिनियास्थित लाउडन काउण्टी पाकवेमा शुक्रबार राती साढे १२ बजे भएको एक कार फोर्ड मस्ट्याग दुर्घटनामा दुई जना नेपालीको ज्यान गएको समाचार छ ।मृत्यु हुनेमा रुकुमको आठबिसकोट नगरपालिका ७ का सुरेश केसी र बर्दियाका विवेक सुवेदी रहेको बताइएको छ। सुरेश केसी एक महिना अघि मात्रै पढ्न अमेरिका आएको बुझिएको छ । कारमा सवार काठमाडौंका मेहुल श्रेष्ठ घाइते रहेको र उनको उपचार भइरहेको छ।

कार चालकमाथी ३० बर्षिय विजय तामाडमाथी छानवीन भई रहेको स्थानीय प्रहरीले जनाएका छन । प्रहरीका अनुसार स्थानीय फायर फक्सको रेष्टन अस्पतालमा घाईते अर्का एक पुरुषको उपचार भई रहेको छ । ती व्यक्तिको अवस्था चिन्ताजनक रहेको बताइएको छ ।

मृतकमध्ये एक जना विधार्थी र एक जना तल्लो बाटो हुँदै अमेरिका आएका व्यक्ति भएको बुझिएको छ । चारै जना स्थानीय नेपाली रेष्टुरेन्ट काम गरेर राती घरजाने क्रममा दुर्घटना भएको प्रहरीले जनाएको छ । स्थानीय प्रहरीका अनुसार मृतकको नाम दिउसो मात्रै रिलिज गरिने बताइएको छ । कार अनियन्त्रित भई रुखमा ठोकिएको अवस्थामा प्रहरीले भेट्टाएका थिए ।

https://www.nbcwashington.com/news/local/northern-virginia/2-dead-2-injured-after-mustang-crashes-in-chantilly/3775671/