राष्ट्रपति डोनाल्ड ट्रम्पले सत्ता सम्हाल्नु पहिले नै बोलेका केहि विषयका कारण उनि के गर्दैछन अनुमान गर्न त्यति सजिलो छैन । उनि काम भन्दा बढी बोल्छन भन्ने अनुमान अघिल्लो कार्यकालबाटै अनुभव भएकै हो तर पनि राष्ट्रपतिसंग हुने असिमित अधिकारहरु प्रयोग गरेर उनले केहि न केहि बबन्डर त गरिहाल्छन जस्तो देखिन थालेको छ । सबै भन्दा पहिले उनले केहि देशहरुलाई अमेरिका यात्रामा प्रतिवन्ध लगाउने निश्चित जस्तै छ । यात्रा प्रतिबन्ध छिट्टै लागू हुने सम्भावना छ, जसलाई जनवरी २० पछि लगत्तै हुने अनुमान अमेरिकी मिडियाहरुले गरेको छ । यो प्रतिबन्ध पहिलो ट्रम्प प्रशासनद्वारा लक्षित देशका नागरिकहरूलाई समावेश गर्ने सम्भावना छ । कर्ने विश्वविधालयको ग्लोवल लनिड ईन्टरनेसनल सर्भिस पेजमा उल्लेख गरिए अनुसार ट्रम्पले पहिलो टार्गेटमा यात्रा प्रतिबन्ध गर्न सक्ने देशहरुमा किर्गिस्तान, नाइजेरिया, म्यानमार, सुडान, तान्जानिया, इरान, लिबिया, उत्तर कोरिया, सिरिया, भेनेजुएला, यमन, र सोमालिया रहेका छन । यस सूचीमा नयाँ देशहरू थपिने सम्भावना पनिरहेको बताइएको छ ।
त्यसैले अन्तर्राष्ट्रिय विद्यार्थीहरुलाई ट्रम्पले प्रशासन सम्हाल्नुपुर्व केहि कलेजहरुले अमेरिका आईसक्नु भन्दै सुचना जारी गरेको छ । यात्रा प्रतिबन्ध वा लक्षित भिसा निलम्बनबाट प्रभावित हुने सम्भावना भएकोले त्यस्तो सुचना जारी गरिएको हो ।

सुचनामा माथि उल्लेख गरिएका देशका अन्तर्राष्ट्रिय विद्यार्थी, प्राध्यापक, र कर्मचारीहरूले जनवरी २१, २०२५ मा सुरु हुने सेमेस्टरअघि नै अमेरिका फर्कनुहोस् भनिएको छ । संयुक्त राज्यमा प्रवेश गर्दा, युएस कस्टम्स एन्ड बोर्डर प्रोटेक्शनले तपाईंको कर्नेल विश्वविद्यालयसँगको सम्बन्धबारे थप प्रमाण माग्न सक्छ । त्यसैले, आफ्नो सबै कागजात (विद्यार्थी÷विद्वानहरू) साथै अपडेट राख्नुहोस् र कर्नेलमा आफ्नो उद्देश्य प्रदर्शन गर्ने थप कागजात (आर्थिक सहयोग प्रमाण, भर्ना प्रमाणपत्र वा ट्रान्सक्रिप्ट) ल्याउनुहोस् सुचनामा भनिएको छ । त्यसैगरी नयाँ रोजगारी–आधारित भिसा वा विस्तारको लागि आवेदनहरूमा ढिलाइ हुने अनुमान पनि गरिएको छ ।