राष्ट्रपति डोनाल्ड ट्रम्पले व्हाइट हाउस प्रवेशको तयारीलाई तिव्र बनाएका छन । उनले गरिरहेको तयारी हेर्दा र सुन्दा लाग्छ केही न केही नयाँ गर्दैछन भन्ने आम सन्चार माध्यमहरुले जनाएको छ । सत्ता सम्हालेको पहिले दिन नै उनले एक सय वटा महत्वपुर्ण कार्यकारी आदेशमा हस्ताक्षर गर्ने तयारी भईरहेको बताइएको छ । जसमा सीमा सुरक्षा, निर्वासन, र अन्य नीतिगत प्राथमिकताहरूमा केन्द्रित १०० भन्दा बढी कार्यकारी आदेशहरू तयार पारिरहेका छन्, जसलाई “शक एन्ड ओ“ अभियानको रूपमा हेर्ने गरिएको छ ।
ट्रम्पले क्यापिटल हिलमा गोप्य बैठकका क्रममा रिपब्लिकन सिनेटरहरूलाई यसबारे जानकारी गराएको बताईन्छ । धेरैजसो कार्यहरू जनवरी २० मा उनले पदभार ग्रहण गर्दा, सुरु हुने अपेक्षा गरिएको छ । ट्रम्पका वरिष्ठ सल्लाहकार स्टेफन मिलरले सिनेटरहरूलाई सीमा सुरक्षा र आप्रवासन कार्यान्वयन उपायहरूको विस्तृत जानकारी दिएका थिए । जसलाई छिटो सुरू गरिने सम्भावना छ ।
राष्ट्रपति–निर्वाचितका समर्थकहरूले विभिन्न विषयहरूमा कार्यकारी आदेशहरूको एक थुप्रो तयार गरेका छन् जसमा अमेरिकी–मेक्सिको सीमा सुरक्षा, ऊर्जा विकास, संघीय श्रमिक नियम विद्यालयको लिङ्ग नीतिहरू, र खोप मापदण्डहरू लगायतका विषयहरूमा केन्द्रित रहेको छ । ट्रम्प र उनको टिमले बनाएको योजनाले आधुनिक समयमा कंग्रेसको विधायी प्रक्रियालाई छलेर शक्ति प्रयोग गर्ने नयाँ तरिकाबाट आउन लागेको भन्दै आलोचना शुरु भएको छ ।
ट्रम्प र उनको टिमबाट प्राप्त जानकारी अनुसार केहि आदेश बाइडेन प्रशासनका कार्यकारी आदेशहरूलाई उल्टाउँदै आफ्ना प्रस्तावहरू कार्यान्वयन गर्ने अपेक्षा गरेका छन् ।
अमेरिका–मेक्सिको सीमा पर्खाल निर्माण पूरा गर्ने, आप्रवासन हिरासत सुविधा स्थापना गर्ने – जहाँ आप्रवासीहरूलाई देश निकाला गरिनुअघि राख्न सकिन्छ – जस्ता विषयहरू प्रस्तावहरूको मुख्य भाग हुन् । सिनेटरहरूले भने अनुसार, यो सबै ४१ सय अर्बको प्रस्ताव हो, जसलाई आउँदै गरेको ट्रम्प प्रशासन र कंग्रेसले आफ्नो ठूलो बजेट समायोजन विधेयकको भागका रूपमा वित्तीय सहायता प्रदान गर्न काम गरिरहेका छन् ।
सिनेटरहरूले ट्रम्पलाई आफ्नो पहिलो कार्यकालमा लागू भएका धेरैजसो अमेरिका–मेक्सिको सीमा उपायहरूमा फर्किने अपेक्षा गरेका छन् । यसमा आप्रवासीहरूले अरू देशहरूमा आवेदन दिनुपर्ने वा आफ्नो दाबी प्रक्रियामा रहँदा मेक्सिकोमै बस्नुपर्ने नियमहरू, साथै हाल कानुनी अनुमति बिना अमेरिका बसिरहेका मानिसहरूको व्यापक निर्वासन कार्यहरू समावेश छन् ।
सिनेटर जेम्स ल्यान्कफोर्डले गत कंग्रेसमा सीमा सुरक्षा र आप्रवासनमा वार्ता नेतृत्व गरेका थिए, उनले ट्रम्पको टिमले सुरुवातमा हालसालै अमेरिका प्रवेश गरेका, अपराधको दोषी ठहरिएका, वा अदालतले देश निकाला गर्न आदेश दिएका करिब १० लाख आप्रवासीहरूमा ध्यान केन्द्रित गर्ने अपेक्षा गरेका छन् । राष्ट्रपतिको चुनावी अभियानको क्रममा ट्रम्पले उद्घाटनको दिन क्यापिटोलमा एउटा “सानो डेस्क“ राखेर छिटो कार्यकारी आदेशमा हस्ताक्षर गर्ने कुरा गरेका थिए ।
यस्तो कुनै संकेत हाल सार्वजनिक रूपमा देखिएको छैन । तर रिपब्लिकन सिनेटरहरूले ट्रम्पलाई सपथ ग्रहण गरेपछि भवनभित्र स्वागत गर्ने योजना बनाएका छन् । नयाँ राष्ट्रपतिले परम्परागत रूपमा आफ्नो क्याबिनेट र प्रशासनिक चयनहरूको औपचारिक मनोनयनका लागि आवश्यक कागजातमा हस्ताक्षर गर्छन् ।
