वाशिंगटन पोस्टका चार सय भन्दा बढी कर्मचारीहरूले मालिक जेफ बेजोसलाई पत्र लेखेर अखबारको भविष्यबारे व्यापक चिन्ता गर्दै बेलैमा माग सम्बोधन नभए बहुसख्यक कर्मचारीहरुले पत्रिका छाड्ने चेतावनी दिएका छन । सार्वजनिक भएको पत्रमा मालिक बेजोसले पोष्टको कार्यलय नै नगई कर्मचारीको माग सम्बोधन गर्न आनाकानी गरिएको बताइएको छ । शीर्ष पत्रकार र संवाददाताहरूले हस्ताक्षर गरेका पत्रमा बेजोसलाई कार्यलय आउन र वाशिंगटन पोस्टको कार्यालयमा संस्थाको नेताहरूसँग व्यक्तिगत रूपमा भेट गर्न आग्रह गरिएको छ ।
सार्वजनिक पत्रमा पत्रकारहरुले चिन्ता जाहेर गर्दै बेजोसको हालैको निर्णयसँग सम्बन्धित नरहेको दाबी गरेपनि पत्रकारहरुको चाहाना विपरित राष्ट्रपति चुनावमा तटस्थ बसेको बेलादेखि केहि दुरी उत्पन्न भएको बताइएको् छ । बेजोसले अमेरिकी राष्ट्रपति पदका उम्मेदवारहरूको समर्थन रोक्ने निर्णय गरेका थिए । वाशिंगटन पोस्टले आफ्नो समर्थन कसैलाई नगर्ने घोषणा गरेपछि सो निर्णयका कारण देखाउँदै २ लाख ५० हजार ग्राहकले पत्रिकाको संलग्नता तोडेका थिए । यो निर्णयले २०२४ मा अखबारले ४१ सय मिलियन डलर घाटा बेहोर्नु परेको मुख्य कारण भएको द वॉल स्ट्रीट जर्नलले जनाएको छ ।
वाशिंगटन पोस्टको वेबसाइटका डिजिटल ग्राहकहरु प्नि व्यापक रुपमा घटेका छन् । विगतमा डेमोक्रयाट पनर्टीलाई समर्थन गर्ने पत्रिका यस बर्ष तटस्थ बसेको थियो । नोभेम्बर २०२० मा ११४ मिलियन ग्राहक रहेको संख्या नोभेम्बर २०२४ सम्ममा घटेर ५४ मिलियनमा पुगेको छ ।
यो स्टाफको निवेदन त्यस्तो समयमा आएको हो, जब पोस्टले करिब १०० कर्मचारीलाई बर्खास्त गरेको थियो, जसले अखबारको आर्थिक समस्याहरूलाई संकेत गर्छ । यो कटौतीले प्रकाशनको स्टाफको लगभग ४प्रतिशत हिस्सा घटाएको हो । कम्पनीका प्रमुख कार्यकारी, विल लेविस, नोभेम्बर २०२३ मा आफ्नो पद सम्हालेयता स्टाफबीच वैमनस्यता बढेर गएको जनाइएको छ । जसका कारण राम्रा र लोकप्रिय पत्रकारहरुले पत्रिका छोडेका छन ।
समाचार कक्षका शीर्ष सम्पादक स्याली बजबी, लेविसले समाचार कक्ष पुनर्गठन गर्ने निर्णय गरेपछि, जुनमा आफ्नो पदबाट राजिनामा दिनु पर्यो । लेविसले स्यालीको स्थानमा रोजेका सम्पादक रोबर्ट विनेटले स्टाफबाट व्यापक विरोध भएपछि आफ्नो नाम फिर्ता लिएका थिए । राष्ट्रपति पदका उम्मेदवारहरूको समर्थन नगर्ने निर्णयपछि धेरै सम्पादकीय लेखकहरूले राजीनामा दिए । पुलित्जर पुरस्कार विजेता कार्टुनिस्ट एन टेल्नेसले ट्रम्पलाई नमन गर्ने अर्बपतिहरूको चित्र छाप्न अस्वीकार गरेपछि अखबार छोडिन् ।
