पोर्चुगलमा बसेर नागरिकता लिन चाहनेहरुका लागि पछिल्लो सरकारी निर्णयले अब नागरिकता लिन १० बर्ष कुर्नुपर्ने भएको छ । गोल्डेन भिसा कार्यक्रम वा अन्य भिसा मार्गहरूमार्फत युरोपेली नागरिकता पाउन चाहने धेरै मानिसहरूका लागि यो ठूलो झट्का भनिएको छ । पोर्चुगाली सरकारको पछिल्लो निर्णय अनुसार अब नागरिकताको आवेदन दिनु अघि देशमा बस्नुपर्ने समय १० वर्ष पु¥याइएको हो ।
पहिले, पोर्चुगलमा बसाइ बस्न इच्छुक आप्रवासीहरूका लागि अत्यन्त आकर्षक गन्तव्य मानिन्थ्यो, किनभने पहिले नागरिकताको लागि आवेदन दिन केवल पाँच वर्षको बसोबास पर्याप्त हुन्थ्यो । अब त्यो समय दोब्बर पारिएको छ । तर अब, युरोपेली संघ ईयूका नागरिकहरू र पुर्तगाली भाषा बोल्ने देशहरूको समुदाय (ब्राजिल, एङ्गोला, काबो भेर्दे, गिनी–बिसाउ, इक्वेटोरियल गिनी, मोजाम्बिक, साओ टोमे र प्रिन्सिपे, र टिमोर–लेस्टे) का नागरिकहरूको लागि यो समयावधि १० वर्ष होइन, ७ वर्षमा बढाइनेछ ।
जसले नागरिकताका लागि आवेदन दिई सकेका थिए तिनका लागि पुराना नियमहरू लागू हुनेछन् । तर जसले अझै नागरिकताको प्रक्रिया सुरु गरेका छैनन्, तिनले नयाँ ७ वा १० वर्षको नियम पालना गर्नुपर्नेछ । यो नियम नेपाली वा अन्य एसियन देशका नागरिककता सवलामा १० बर्ष कुर्नुपर्नेछ ।
नयाँ नियमअनुसार नागरिकताको समयरेखा पनि फेरिएको छ । जसमा समय गणना तबदेखि सुरु हुनेछ जब अधिकारीहरूले आवास अनुमति प्रदान गर्छन् । यस अघि आवेदन दिएकोे मितिबाट दिईन्थ्यो । वास्तवमा, यसले प्रक्रियामा थप दुईदेखि तीन वर्षसम्म समय बढाउनेछ, किनभने सामान्यतया पुर्तगालमा आवास अनुमति पाउन त्यति समय लाग्छ । त्यसैले अधिकांश विदेशीहरू, गोल्डेन भिसा लगानीकर्ताहरू, र डिजिटल नोमाड भिसामा आएका व्यक्तिहरूका लागि नागरिकता प्रक्रिया करिब ९ देखि १३ वर्ष लामो हुनेछ । नयाँ नियममा एक अनुकूल प्रावधान पनि छ जसमा पोर्चुगलमा कानूनी रूपमा बिताएको सबै समय (लगातार वा बीचमा रोकिएर) अब देशमा बसोबासको अवधि गणनामा समावेश गरिनेछ । यसबाट करिब १० हजार भन्दा बढी नेपाली जो नागरिकताको बाटोमा छन उनिहरुलाई पनि प्रभावित हुनेछन । प्रायजजसो पोर्चुगलमा नागरिकता लिएर यूरोपका अन्य देशहरुका बसोबासका लागि जाने गरेको तथ्यांकहरुले देखाएको छ ।
पोर्चुगलले गोल्डेन भिसा कार्यक्रममार्फत करिब ९ अर्ब यूरोपियन लगानी आकर्षित गरेको जनाइएको छ जसमा आवेदनकर्ताहरूलाई यहाँको मौसम, राजनीतिक स्थिरता, जीवन–व्यय, र प्रभावकारी शिक्षा, यातायात तथा स्वास्थ्य संरचनाले आकर्षित गरेको थियो । २०१९ पछि, पोर्चुगलमा विदेशी जनसंख्या लगभग तीन गुणा बढेर १६ लाख पुगेको छ, जुन देशको कुल जनसंख्याको करिब १५ प्रतिशत हो । पोर्चुगल सरकारले नयाँ निर्णय गरेको यो विषय अक्टोबर २८ मा मतदान भएर कानुन कार्यन्वय शुरु हुनेछ ।
