पानमा हुमेक्सिकोबाट अमेरिका जान हिडेका हजारौं आप्रवासी यतिखेर मेक्सिकोको विभिन्न शहरहरुमा बस्न बाध्य भएका छन । अमेरिकी सीमा नीतिमा आएको कडाइ, मेक्सिको सरकारले बढाएको निगरानी तथा आश्रय प्रक्रियामा भइरहेको ढिलाइका कारण आप्रवासीहरूको अवस्था झन् जटिल बनेको अन्तर्राष्ट्रिय सञ्चार माध्यमहरूले जनाएका छन्।
विशेषगरी दक्षिण अमेरिकी तथा मध्य अमेरिकी देशहरूबाट आएका आप्रवासीहरू अमेरिका पुग्ने उद्देश्यले मेक्सिको प्रवेश गरे पनि सीमामा कडा सुरक्षा व्यवस्था भएपछि उनीहरू विभिन्न सीमावर्ती शहरहरूमा अस्थायी बसोबास गरी रहेको बताइएको छ । कतिपय विदेशी सन्चार माध्यमहरुमा उल्लेख गरिएका समाचार अनुसार धेरै जसो आप्रवासीहरु अमेरिकामा अनुकुल अवस्था नआएसम्म मेक्सिकोमा नै अस्थायी रुपमा बस्ने र अमेरिकामा अनुकुल भएपछि अमेरिका प्रबेश गर्ने बताउने गरेका छन ।
अमेरिकाले पछिल्ला वर्षहरूमा दक्षिणी सीमामा सुरक्षा बलको उपस्थिति बढाउनुका साथै कागजातविहीन आप्रवासीलाई तत्काल फिर्ता पठाउने नीति लागू गरेपछि पनि सजिलै अमेरिका प्रबेश गर्न हिच्किचाउन थालेका छन ।
अमेरिकामा आश्रय माग्ने प्रक्रियासमेत कठिन बनाइएकाले धेरै मानिस अमेरिकी सीमासम्म पुगेपछि पनि प्रवेश अनुमति नपाएर मेक्सिकोमै बस्न बाध्य भएका छन्। यसैबीच, अमेरिकाको दबाबपछि मेक्सिको सरकारले पनि आफ्ना दक्षिणी सीमामा निगरानी बढाएको छ। राष्ट्रिय गार्ड परिचालन, आप्रवासी बोक्ने सवारी साधनमा जाँच तथा कागजात नभएकाहरूलाई नियन्त्रणमा लिने अभियान तीव्र बनाइएको छ।
विशेषगरी अमेरिका नजिकका देशका नागरिकहरू ठूलो संख्यामा प्रभावित भएका छन्। ती देशहरूमा बढ्दो आर्थिक संकट, बेरोजगारी, हिंसा तथा राजनीतिक अस्थिरताका कारण मानिसहरू अमेरिका पलायन हुन खोजिरहेका छन्। अमेरिकाले सीमामा डिजिटल अपोइन्टमेन्ट प्रणाली लागू गरेपछि पनि समस्या बढेको बताइएको छ। सीमित संख्यामा मात्र आवेदन स्वीकृत हुने भएकाले हजारौं आप्रवासीहरू पालो कुर्दै मेक्सिकोका विभिन्न शहरमा बसिरहेका छन्।
मानव अधिकारकर्मीहरूले मेक्सिकोमा रोकिएका आप्रवासीहरू अपहरण, लुटपाट, मानव तस्करी तथा यौन हिंसाको जोखिममा रहेको चेतावनी दिएका छन्। सीमावर्ती क्षेत्रमा अस्थायी शिविरहरूमा बसोबास गर्नेहरूको संख्या बढ्दै गएको बताइएको छ। विश्लेषकहरूका अनुसार अमेरिकी आप्रवासन नीतिको कडाइ र मेक्सिकोमाथिको राजनीतिक दबाब आगामी दिनमा अझ बढ्न सक्ने भएकाले सीमा क्षेत्रमा मानवीय संकट थप गहिरिन सक्ने देखिएको छ।
