अमेरिकाको भर्जिनिया राज्यको मनासस शहरबाट गत अगस्त १ देखि हराई रहेकी नेपाली मूलकी नर्स ममता काफ्ले भट्ट १४ औ दिनसम्म पनि फेला परेकी छैनन् । ममता काफ्लेको लागि खोजीमा मनासस पार्क प्रहरीले खोजी कार्य व्यापक बनाउँदासम्म फेला पार्न सकेको छैन । ममताको खोजीका लागि स्थानीय प्रहरी तथा नेपाली सुमदायले फेटो सार्वजनिक गर्दै अभियान नै चलाएको छ ।
उता अष्ट्रेलियामा पनि एक नेपाली बेपत्ता भएपछि खोजी अभियान शुरु भएको छ । सिड्नी सहरबाट हराएका सुभाष बोलखेको खोजीका लागि अनुरोध गरिएको छ ।
अध्ययनका सिलसिलामा नौ महिनाअघि अष्ट्रेलियाको सिड्नी गएका काभ्रेपलाञ्चोक जिल्ला पाँचखाल नगरपालिका(७ का २७ वर्षीय बोलखे १८ दिनदेखि परिवारसँग सम्पर्कविहीन भएपछि खोजीका लागि अभियान शुरु नै भएको छ । बोलखेका परिवारका सदस्यसहित काठमाडौँको महाराजगञ्ज–चक्रपथस्थित अष्ट्रेलियन दूतावास पुगी आफ्नो क्षेत्रका प्रतिभावान विद्यार्थी बोलखेको खोजतलाख गरेर पछिल्लो अवस्थाका वारेमा जानकारी दिई सहयोग गरिदिन अनुरोध गरेको छ ।
