राष्ट्रपतिमा निर्वाचित भएपछि डोनाल्ड ट्रम्पले ह्वाइट हाउसका चीफ अफ स्टाफ सुसी वाइल्सपछि टम होमनलाई आफ्नो नयाँ सीमा सुरक्षा प्रशासकको रूपमा नियूक्त गरेका छन । नियुक्त भएका होमनले २०१७ र २०१८ मा अध्यागमन र भन्सार प्रवर्तन आईसीईको अभियान नै चलाएर सीमा सुरक्षामा कडाई गरेका थिए । नवनियूक्त होमन “प्रोजेक्ट २०२५” को सहलेखक हुन । हेरिटेज फाउन्डेशनको परियोजनाको योगदानकर्ताको रूपमा सूचीबद्ध होमन आप्रवासीका विषयमा निकै अनुदार मानिन्छ । “प्रोजेक्ट २०२५” ट्रम्पको रूढीवादी सरकारको दृष्टिकोणको एक दस्तावेजका रुपमा परिचित छ । होमन २०२२ देखि होमन हेरिटेजमा भिजिटिङ फेलो पनि हुन ।
्ट्रम्पले सामाजिक सञ्जालमा पोष्ट गर्दै आईसका पूर्वनिर्देशक र सीमा नियन्त्रणका अगुवा टम होमन राष्ट्रको सीमानाको इन्चार्जका रुपमा ट्रम्प प्रशासनमा सामेल हुने बताएका हुन् । ट्रम्पले लेखेका छन टमलाई आफूले लामो समयदेखि चिनेको र उनी कागजपत्रविहीन विदेशीहरूलाई तिनीहरूको मूल देशमा फिर्ता पठाउने जिम्मेवारीमा उपयूक्त हुने जिम्मेवारी दिएको जनाएका छन् ।
यस्तो भूमिका अमेरिकी सिनेटबाट स्वीकृत गर्न आवश्यक छैन । ७९ वर्षीय ट्रम्पले आफ्नो राष्ट्रपतीय कार्यकालको पहिलो दिनमा अमेरिकी इतिहासमा कागजातविहीन आप्रवासीहरूको सबैभन्दा ठूलो देशनिकाला अभियान सुरु गर्ने वाचा गरे अनुसार होमन उपयूक्त पात्र भएको दावी गरेका छन । २०१७ मा ट्रम्प प्रशासनको समयमा होमन आइसका कार्यवाहक निर्देशक रहँदा पक्राउ परेका आप्रवासीको संख्या अघिल्ला बर्षको तुलनामा लगभग ४० प्रतिशतले बृद्धि भएको भन्द्रै ट्रम्पले प्रशंसा गरेका व्यक्ति हुन ।
