पैसाको बलमा सबै कुरा संभव छ भन्दै राजनीतिमा होमिएका टेक अरबपति एलोन मस्कले आफ्नो व्यापारमा ठुलो घाटा व्यहोरेपछि उनले सम्हाल्दै आएको डिपार्टमेन्ट अफ गभन्र्मेन्ट इफिसिएन्सी (डोज) छोड्ने संकेत गरेका छन् । उनले आगामी मे महिनापछि छोडेर आफ्नो व्यापारलाई समय दिने बताएका हुन ।
टेस्लाका सीईओ समेत रहेका मक्सले अमेरिकी सरकारलाई सहयोग गरेकै कारण विश्वव्यापी रुपमा ओलोचना खेप्दै सबैतिर टेस्ला गाडीको व्यापारमा व्यापक गिरावट आएको छ । एलोन मस्कले भनेका छन् कि उनले ट्रम्प प्रशासनमा आफ्नो लागत कटौती गर्ने भूमिकाबाट मे महिनाको अन्त्यमा पद मुक्त हुने योजना बनाएको बताए । जसपछि उनले अमेरिकी घाटालाई १ ट्रिलियन घटाएको दावी गरेका छन । मस्कले लक्ष्यको नजिक पुग्नमा विश्वास व्यक्त गर्दै जसले वार्षिक संघीय घाटा आधा गर्नेछ, केवल १३० दिनहरूमा र भनेका छन् कि उनको टोली “प्रति दिन ४४ अर्ब डलरका दरले औसत खर्च घटाउँदै आएको बताएका छन ।
फक्स न्यूजको “स्पेशल रिपोर्ट विद ब्रेट बाएर“ सँगको अन्तर्वार्तामा एलोन मस्कले भने वर्तमान संघीय खर्चको ७ ट्रिलियनलाई घटाएर ६ ट्रिलियन बनाउनेछ । मस्कले ट्रम्पलाई चुनाव जिताउन २५ करोड डलरभन्दा बढी खर्च गरेका थिए । उनले एक्सलाई पनि ट्रम्पको समर्थनमा परिचालन गरेका थिए ।
मस्कको गुन तिर्न ट्रम्पले उनलाई डोज (डिपार्टमेन्ट अफ गभन्र्मेन्ट इफिसिएन्सी) प्रमुखमा नियुक्त गरेका छन् ।राष्ट्रपति ट्रम्पको मन्त्री चयनदेखि लिएर विदेशी सरकार प्रमुखहरूसँगको छलफलमा पनि मस्क सहभागी भएका थिए । मन्त्रि परिषद बैठकमा विना पोर्टफोलियो बसेको भन्दै व्यापक आलोचना भएको थियो । चुनावअघि नै ट्रम्पले सरकारी सेवा चुस्त बनाउन मस्कको नेतृत्वमा एउटा निकाय बनाउने घोषणा गरेका थिए ।
चुनाव जितेपछि नोभेम्बरमै सो विभागको घोषणा गर्दा मस्क त्यसको प्रमुख भनेर खुलाएका थिए । सो विभागले युएसएआइडी लगायत धेरै अमेरिकी सरकारी कार्यालयमा आतंक मच्चाएको छ । त्यस्तै हजारौं सरकारी कर्मचारीलाई निष्कासन गरेको छ भने अर्बौं डलरको सरकारी बजेट रोकेको छ । यसबाट अमेरिकामा अर्वाै डलर बच्ला तर अमेरिकाको विश्वव्यापी आलोचना भने व्यपाक बढेर गएको विश्लेशकहरुले बताएका छन । अमेरिकी सहयोग रोकिदा विश्वभर मानवीय संकट उत्पन्न हुने भविश्यवाणी गरिएका छन ।
