विश्वभर न्यून आय भएका र मध्यम वर्गीय परिवारको लागि चर्चित वालमार्टले आगामी महिनादेखि मुल्य बढाउने घोषणा गरेपछि अमेरिकी राष्ट्रपति डोनाल्ड ट्रम्पले मुल्य नबढाउन चेतावनी दिएका छन । ट्रम्प प्रशासनको ट्यारिफ नीतिको असरले अमेरिकी उपभोक्तामा गम्भीर दबाब परेको भन्दै मुल्य बढाउनु परेको दावी गरेको छ ।
वालमार्टले मुनाफा घट्यो, ट्यारिफको भार थेग्न सक्दैनौं भन्दै मुल्य बढाउने घोषणा गरेको हो । कम्पनीले मुनाफा घटेर ४४.४५ अर्ब (प्रति सेयर ५६ सेन्ट) मा झरेको जानकारी दिएको छ, जुन अघिल्लो वर्षको ४५.१० अर्ब (प्रति सेयर ६३ सेन्ट) भन्दा कम हो ।
वालमार्टका सीईओ डग म्याकमिलनले बिहीबार घोषणा गर्दै भने हामी खुद्रामा अत्यन्तै न्यून मुनाफा मार्जिनमा काम गर्छौं, र ट्यारिफहरूको सम्पूर्ण दबाब हामीले सहन सक्दैनौं ।” चीनबाट आयात हुने सामानमाथिको ट्यारिफ १४५% बाट ३०% मा घटाइए पनि उसले मुल्य बृद्धि यथावत राखेको छ । यसअघि पनि ट्रम्प प्रशासनले केही चिनियाँ सामानहरूमा छूट, क्यानडा र मेक्सिकोमाथिको २५% ट्यारिफ खारेज, र कयौँ देशहरूका लागि ९०–दिनका लागि स्थगित जस्ता व्यापार नीतिमा फेरबदल गरेको छ ।
