नेपाली लगायतको टीपीएस खारेजविरुद्ध अमेरिकास्थित संघीय अदालतमा मुद्दा दायर गरिएको छ। नेशनल टीपीएस एलायन्स एनटीपीएसए र २ जना नेपालीसहित सात जना व्यक्तिहरूले संयुक्त रूपमा ट्रम्प प्रशासनको निर्णयविरुद्ध कानुनी चुनौती दिएका हुन्। सो मुद्दामा नेपालीसँगै होन्डुरस र निकारागुआका टीपीएसवाहक पनि समावेश रहेको बताइएको छ ।
मुद्दाका एकजना वादी एसके अर्का एक नेपाली सन्ध्या लामा रहेका छन । ३३ वर्ष एसके सान फ्रान्सिस्कोमा बस्छिन् भने सन्ध्या भर्जिनियामा बस्ने बताइएको छ । डिपार्टमेन्ट अफ होमल्याण्ड सेक्युरिटीले नेपालका लागि सन् २०२५ जुन ६ मा अगस्त ५ देखि लागु हुनेगरी टीपीएस खारेज गरेको थियो। उक्त निर्णयले अमेरिकामा रहेका झण्डै साढे ७ हजार नेपाली नागरिकलाई प्रत्यक्ष असर पारेको छ। यी सबै नेपालीहरू अमेरिकामा बसोबास गर्दै आएका छन् भने उनीहरूको काम गर्ने अनुमति पनि टीपीएसका आधारमा रहेको छ । अब उनीहरूले २०२५ अगस्ट ५ पछि टीपीएस गुमाउने छन्। त्यस अघि नै टिपिएस बाहकले अमेरिका छाड्नुपर्ने छ ।
