उत्तर एटलान्टिक सन्धि संगठन (नाटो)का साझेदार देश र युक्रेनबीच अमेरिकाबाट हतियार आपूर्तिका लागि नयाँ सम्झौता भएको छ ।
मिडिया रिपोर्टअनुसार, यस सम्झौता अनुसार अमेरिकाले युक्रेनलाई अत्याधुनिक हतियारसहित ३० करोड डलर बराबरको सहायता प्याकेज पठाउने छ । यो सहायता प्याकेजमा प्याट्रियट मिसाइल प्रणाली र मध्यम दूरीका रकेटहरू समावेश हुनेछन् । यद्यपि यी हतियारबारे अन्तिम निर्णय भने बाँकी नै रहेको बताइएको छ ।
अमेरिकी राष्ट्रपति डोनाल्ड ट्रम्पले गत बिहीबार नै अमेरिकाले नाटोमार्फत युक्रेनलाई हतियार पठाउने र त्यसको सम्पूर्ण खर्च नाटोले बेहोर्ने बताएका थिए ।
अमेरिकी राष्ट्रपति डोनाल्ड ट्रम्पले रुसी राष्ट्रपति भ्लादिमिर पुटिनलाई युक्रेनसँगको युद्ध अन्त्यको लागि ५० दिने समयसीमा दिएका छन् । ट्रम्पले युक्रेनलाई उच्चस्तरको हतियार पठाउने घोषणा पनि गरेका छन् । उनले सोमबार नेटोका महासचिवसँगको बैठकपछि ट्रम्पले युक्रेनले जे चाहान्छ त्यसको सुनिश्चित गर्ने बताएको बीबीसीले जनाएको छ । नेटोका महासचिव मार्क रुटेले पनि राष्ट्रपति डोनाल्ड ट्रम्पसँगको बैठकमा युक्रेनलाई ठूलो परिमाणमा हतियार नेटोमार्फत पठाउने पुष्टि गरे । उनलको यो भनाईले ट्रम्प अब यूरोपसंग नजिकिएर काम गर्न तयार भएको बताईन्छ ।
यसैगरी ट्रम्पले रुसबाट भइरहेको हवाई आक्रमणको सामना गर्न युरोपियन देशहरूले पनि युक्रेनलाई उनीहरूको प्याट्रियट मिसाइल हवाई रक्षा प्रणालीहरू पहिले पठाउने र त्यसलाई अमेरिकाले प्रतिस्थापन गर्ने बताएको बीबीसीले जनाएको छ ।
युक्रेनलाई पठाइने हतियारहरूबारे विस्तृतमा दुवैले उल्लेख गरेनन् । तर, रुटेले सम्झौतामा क्षेप्यास्त्र र एम्युनिसन समावेश भएको बताए । ट्रम्पको हतियार प्रतिबद्धताले युक्रेनका लागि महत्वपूर्ण कदम भएको बताइएको छ । यद्यपि, राष्ट्रपतिले अर्बौं डलर मूल्यका अत्याधुनिक हतियारहरू युक्रेनलाई सहयोग गर्न तत्काल युद्धक्षेत्रमा वितरण गरिने बताए । “यदि म आज भ्लादिमिर पुटिन भएको भए युक्रेनसँगको वार्तालाई थप गम्भीरतापूर्वक लिनुपर्छ भनेर पुनर्विचार गर्थें,” रुटेले भने । उनले यो भन्दै गर्दा ट्रम्पले सहमति जनाउँदै टाउको हल्लाएका थिए ।
युक्रेनी राष्ट्रपति भोलोदिमिर जेलेन्स्कीले सामाजिक संजाल एक्समा लेख्दै उनले रुटेसँगको भेटपछि ट्रम्पसँग कुराकानी गरको बताएका छन् । उनले युक्रेनलाई समर्थन गर्ने र रुसले गरेको हत्याहरू रोक्न तथा दीर्घकालीन र न्यायपूर्ण शान्ति स्थापना गर्न सँगै काम गर्न इच्छुक भएकोमा उनलाई धन्यवाद दिएको बताएका छन् ।
