काठमाडौंस्थित अमेरिकी दूतावासले नेपालमा युवा साउथ एसिया लिडर ईनिसियटिभको सुरुआत गरेको छ । यो अमेरिकी विदेश मन्त्रालयको एक क्षेत्रीय कार्यक्रम हो, जसले ५० जना नेपाली युवा नेताहरू, विशेषज्ञहरू, र परिवर्तन ल्याउने व्यक्तिहरूलाई दक्षिण एशियाभरिका समकक्षीहरूसँग सहकार्य गर्न र नेपाललगायत सबै देशमा अवसरहरू बढाउन प्रेरित गर्ने जनाएको छ । दुतावासका चार्ज डे अफेयर्स जेसन मिक्सले कार्यक्रम उद्घाटन गर्दै नेपालको उद्यमशीलता, ऊर्जा, स्वास्थ्य र शिक्षा क्षेत्रमा युवाहरूको योगदानलाई जोड दिएका थिए ।
उहाँले युवाहरूलाई साझा चुनौतीहरू समाधान गर्न, क्षेत्रीय सहकार्यलाई प्रवद्र्धन गर्न, र नागरिक सहभागिता, उद्यमशीलता, र प्राकृतिक स्रोतहरूको क्षेत्रमा अन्तर–सांस्कृतिक समझदारीलाई गहिरो बनाउने सीप प्रदान गर्ने बताएका छन । यी मुख्य विषयहरूलाई अगाडि बढाउँदै, उद्योगका विशेषज्ञहरूले आर्थिक प्रवृत्ति, नागरिक दायित्व, र नवप्रवर्तन–केन्द्रित नेतृत्व बारेमा उपयोगी ज्ञान बाँडेका थिए । जसरी सहभागीहरूले आफ्ना विचारलाई व्यवहारमा उतार्ने प्रयास गर्ने भन्दै एक स्थिर, समृद्ध दक्षिण एशिया निर्माण गर्न सहयोग गर्छ, जसले अमेरिकाको संलग्नता, नवप्रवर्तन र व्यापारका लागि नयाँ अवसरहरू खोल्ने बताए ।
