अमेरिकी सन्चार क्षेत्रमा ६० बर्षदेखि चल्दै आएको सन्चार माध्यममा बजेट कटौतिपछि कर्पोरेसन फर पव्लिक बोर्डकास्टिड (सिपिवि) ले शुक्रबार संघीय फन्ड गुमेपछि अब संस्थाले आफ्नो सम्पूर्ण कार्य बन्द गर्ने घोषणा गरेको छ । त्यसबाट अमेरिकाभर ६ हजारभन्दा बढी पत्रकार प्रभावित हुने बताइएको छ । जसका कारण अमेरिका भरिका १ हजार ५०० भन्दा बढी स्थानीय सार्वजनिक प्रसारण स्टेशनहरू र सार्वजनिक सञ्चार प्रणालीलाई ठूलो धक्का पु¥याउने बताइएको छ । जसले पछिल्ला करिब ६० वर्षदेखि सिपिविको सहारामा सेवा प्रदान गर्दै आएका थिए ।
यो निर्णय पछिल्लो महिनामा रिपब्लिकनको नियन्त्रणमा रहेको प्रतिनिधिसभाले सिपिविका लागि दुई वर्षको १.१ अर्ब फन्ड कटौती गर्ने निर्णय गरेपछि आएको अमेरिकी ईतिहासमा सन्चार माध्यमको ठुलो बजेट कटौति भनिएको छ । यो कदम सार्वजनिक सञ्चार र वैदेशिक सहायता कार्यक्रममा ४९ अर्बको समग्र कटौतीको हिस्सा हो ।
सिपिविकी अध्यक्ष तथा सिईओ प्याट्रिसिया ह्यारिसनले “करोडौं अमेरिकीले फोन, चिठी, र निवेदनमार्फत संघीय सहयोग जोगाउन अपिल गरे तापनि, हामी अब हाम्रो कार्यालय बन्द गर्ने कठोर यथार्थसँग सामना गरिरहेका छौं” भनेकी छिन । ५७ वर्ष पुरानो यो संस्था हरेक वर्ष ५० करोडभन्दा बढी रकम देशभरिका १,५०० स्थानीय स्टेशनहरूमा वितरण गर्दै आएको थियो ।
संघीय सहयोग भए पनि, स्टेशनहरूले प्रायः दर्शकहरूको दान, व्यवसायिक प्रायोजन, र स्थानीय सरकारको सहयोगमा भर पर्ने गर्दथे । यो सार्वजनिक प्रसारण बन्द हुँदा ग्रामीण क्षेत्र सबैभन्दा प्रभावित हुने बताइएको छ । संघीय अनुदान नपाएपछि अमेरिकाको सार्वजनिक प्रसारण संस्था बन्द हुने भएको छ, जसको सबैभन्दा ठूलो असर ग्रामीण समुदायहरूमा पर्ने देखिएको छ ।
द गार्जियन समाचारका अनुसार ५४४ अनुदान प्राप्त संस्थामध्ये २४५ वटा ग्रामीण क्षेत्रका छन्, जसले शैक्षिक कार्यक्रम, बालबालिकाको शो, र स्थानीय समाचार प्रसारण बन्द हुने सम्भावना बढाएको छ । सिपिविका अनुसार, यी ग्रामीण स्टेशनहरूमा करिब ६ हजारभन्दा बढीलाई रोजगारी दिइएको थिए । सार्वजनिक प्रसारणले ऐतिहासिक रूपमा प्राकृतिक विपत्तिको समयमा आपतकालीन जानकारी र अन्यत्र नपाइने सांस्कृतिक कार्यक्रमहरूसमेत प्रसारण गर्दै आएको थियो ।
जुलाईमा प्रकासित एक रिपोर्ट अनुसार, अमेरिकाका तीनमध्ये एक काउन्टीमा पूर्णकालिक स्थानीय पत्रकार छैनन्, जसले ग्रामीण समुदायमा सूचना पहुँच झन् कमजोर बनाएको छ । सेप्टेम्बरको अन्त्यसम्म सिपिविका अधिकांश कर्मचारीहरू बर्खास्त गरिनेछन्, भने जनवरी २०२६ सम्म सानो संक्रमण टोली मात्र बाँकी रहने बताइएको छ ।
राष्ट्रपति डोनाल्ड ट्रम्प र उनका रिपब्लिकन सहयोगीहरूले सार्वजनिक सञ्चारमा करदाता रकम खर्च गर्नु अनावश्यक भएको दाबी गर्दै आएका छन् । ट्रम्प प्रशासनले बोर्डका तीन सदस्यमाथि, पद नछाडेको आरोपमा मुद्दा पनि दायर गरेको छ । यो बन्दसँगै सन् १९६७ देखि चलेको सार्वजनिक प्रसारणमा संघीय समर्थनको करिब ६ दशक लामो युग समाप्त भएको भन्दै सन्चार क्षेत्रले चासोका साथ हेरेको छ ।
