प्रधानमन्त्री केपी शर्मा ओली लामो प्रतीक्षापछि भदौ ३१ देखि असोज १ गते दुईदिने भारत भ्रमणमा जाने निश्चित भएको छ । यसअघि भदौ १ गते भारतीय विदेश सचिव विक्रम मिश्री काठमाडौं आउँदैछन्, जसले ओलीको भ्रमणको आधिकारिक निम्तो हस्तान्तरण गर्नुका साथै अन्य तयारीहरू टुंग्याउने बताइएको छ । उता भारतीय प्रधानमन्त्री नरेन्द्र मोदी सात वर्षपछि भदौ १५ गते दुईदिने चीन भ्रमणमा निस्कँदैछन्, जुन ओलीको भारत भ्रमणभन्दा अघि हुनेछ।
कूटनीतिक विश्लेषकहरूका अनुसार मोदीको चीन यात्रा र ओलीको भारत भ्रमणले नेपाल, भारत र चीनबीचको सम्बन्धमा नयाँ अध्यायहरु शुरु हुने बताइएको छ । दुई छिमेकी मुलुकबीचको मित्रता र आर्थिक सहकार्यबाट नेपालले फाइदा लिन सक्ने अपेक्षा राखिएको छ । ओली प्रधानमन्त्रि भएपछि एक बर्षमा भारत भ्रमण जाने भएकोले पनि यस पटकको भ्रमण राजनिितक हिसाबले अर्थपुर्ण मानिएको छ ।
