५० बर्षदेखि निरन्तर बढी रहेको अमेरिकाको आप्रवासी जनसख्या राष्ट्रपति डोनाल्ड ट्रम्पले जनवरीमा दोस्रो कार्यकाल सुरू गरेदेखि ६ महिनाकोबीचमा एक मिलियनभन्दा बढीले घटेको छ । आप्रवासनलाई राष्ट्रको बलको रूपमा नभई, खतरा भनेर परिभाषित गरेपछि स्वेच्छाले अमेरिका छाड्ने र डिर्पोट गरिएका सबै गरी एक मिलियन भन्दा बढी आप्रवासीले अमेरिका छोडेको रिपोर्ट सार्वजनिक भएको हो । यस रिर्पोट अनुसार सरकारद्धारा डिपोर्ट गरेको भन्दा स्वेच्छाले अमेरिका छाड्नेको सख्या उल्लेखनीय रहेकामे बताइएको छ । प्यु रिसर्च सेन्टरको नयाँ अध्ययनअनुसार ट्रम्पले दोस्रो कार्यकालको शपथ लिँदा, जनवरीमा अमेरिकामा कीर्तिमानी ५३.३ मिलियन आप्रवासीहरू थिए भने जुन महिनासम्म त्यो संख्या घटेर ५१.९ मिलियनमा झरेको उल्लेख छ ।
सन् २०२५ को जुनसम्म, सबै अमेरिकी बासिन्दामध्ये १५.४% आप्रवासी थिए, जुन जनवरीको १५.८% को ऐतिहासिक उच्च दरभन्दा कम हो । प्युको सर्वेक्षणले यो पनि पत्ता लगाएको छ कि जनवरीयता ७ लाख ५० हजार आप्रवासी कामदारहरूले अमेरिकी श्रम बजार छोडेका छन्, जसमा हाल १९% कामदार विदेशी मूलका छन् । प्युस सेन्टरले संयुक्त राज्यभर आप्रवासी जनसंख्यालाई असर गर्ने विभिन्न नीतिगत परिवर्तनहरूलाई औंल्याएको छ, जसमा २०२४ मा जो बाइडेनले शरणको लागि आवेदनमा लगाएको प्रतिबन्ध पनि समावेश छ । उक्त प्रतिबन्धका कारण शरण खोज्ने आप्रवासीहरूको सन्दर्भमा सीमा पार गर्ने दरमा उल्लेखनीय गिरावट आएको थियो ।
त्यसैगरी, सेन्टरले डोनाल्ड ट्रम्पद्वारा आप्रवासनलाई लक्षित गर्दै जारी गरिएका १८१ कार्यकारी आदेशहरूतर्फ पनि इशारा गर्दै जसमा नयाँ आप्रवासीहरूको आगमन र गैरनागरिक आप्रवासीहरूको सामूहिक निर्वासन समावेश छन् । सेन्टरले यो पनि उल्लेख गरेको छ कि तथ्यांकमा देखिएको परिवर्तन आप्रवासीहरूमाझ सर्वेक्षणको प्रतिक्रियाको दर घट्दै जानुका कारणले पनि हुन सक्ने जनाएको छ ।
मेक्सिको अझै पनि अमेरिकी आप्रवासीहरूका लागि सबैभन्दा ठूलो मूल देशको रूपमा कायम छ । सन् २०२३ को मध्यसम्म, ११ मिलियनभन्दा बढी अमेरिकी बासिन्दाहरू मेक्सिकोमा जन्मेका थिए, जसले राष्ट्रिय रूपमा झण्डै एक चौथाइ (२२%) आप्रवासी जनसंख्या प्रतिनिधित्व गर्छ। यद्यपि, सन् २००७ यता मेक्सिकोबाट आप्रवासन घटेको छ, र अमेरिका भित्रको मेक्सिकन मूलका जनसंख्यामा पनि कमी आएको छ । प्यु रिसर्च अनुसार, सन् २०१० देखि २०२३ को अवधिमा अमेरिकी आप्रवासी जनसंख्यामा मेक्सिकनहरूको हिस्सा २९% बाट घटेर २२% मा झरेको हो ।
प्यु सेन्टरले संयुक्त राज्यभर आप्रवासी जनसंख्यालाई असर गर्ने विभिन्न नीतिगत परिवर्तनहरूलाई औंल्याएको छ, जसमा २०२४ मा जो बाइडेनले शरणको लागि आवेदनमा लगाएको प्रतिबन्ध पनि समावेश छ । उक्त प्रतिबन्धका कारण शरण खोज्ने आप्रवासीहरूको सन्दर्भमा सीमा पार गर्ने दरमा उल्लेखनीय गिरावट आएको थियो ।
त्यसैगरी, सेन्टरले डोनाल्ड ट्रम्पद्वारा आप्रवासनलाई लक्षित गर्दै जारी गरिएका १८१ कार्यकारी आदेशहरूतर्फ पनि इशारा गरेको छ, जसमा नयाँ आप्रवासीहरूको आगमन र गैरनागरिक आप्रवासीहरूको सामूहिक निर्वासन समावेश छन् । सेन्टरले यो पनि उल्लेख गरेको छ कि तथ्यांकमा देखिएको परिवर्तन आप्रवासीहरूमाझ सर्वेक्षणको प्रतिक्रियाको दर घट्दै जानुका कारणले पनि हुन सक्छ ।
मेक्सिको अझै पनि अमेरिकी आप्रवासीहरूका लागि सबैभन्दा ठूलो मूल देशको रूपमा कायम छ । सन् २०२३ को मध्यसम्म, ११ मिलियनभन्दा बढी अमेरिकी बासिन्दाहरू मेक्सिकोमा जन्मेका थिए, जसले राष्ट्रिय रूपमा झण्डै एक चौथाइ (२२%) आप्रवासी जनसंख्या प्रतिनिधित्व गर्छ । यद्यपि, सन् २००७ यता मेक्सिकोबाट आप्रवासन घटेको छ, र अमेरिका भित्रको मेक्सिकन मूलका जनसंख्यामा पनि कमी आएको छ । प्यु रिसर्च अनुसार, सन् २०१० देखि २०२३ को अवधिमा अमेरिकी आप्रवासी जनसंख्यामा मेक्सिकनहरूको हिस्सा २९% बाट घटेर २२% मा झरेको हो ।
सन् २०२३ को मध्यसम्म, भारतबाट आएका आप्रवासीहरू ३.२ मिलियन थिए, जुन कुल आप्रवासी जनसंख्याको ६% थियो, र यो अमेरिकामा दोस्रो ठूलो आप्रवासी समूह बन्यो । त्यसपछि चीनबाट आएका ३ मिलियन (६%), फिलिपिन्सबाट २.१ मिलियन (४%), र क्युबाबाट १.७ मिलियन (३%) आप्रवासीहरू थिए । उक्त विश्लेषण अनुसार, २०२४ को जुनसँग तुलना गर्दा औसत दैनिक पक्राउको संख्या २६८% ले वृद्धि भएको छ । यस विश्लेषणमा यो पनि उल्लेख गरिएको छ कि अमेरिकाले हालसम्म ८ हजार १०० भन्दा बढी व्यक्तिहरूलाई त्यस्ता देशहरूमा डिपोर्ट गरिसकेको छ जुन उनीहरूको जन्मथलो होइन । ट्रम्पको आप्रवासनमाथिको कठोर नीति अझै रोकिएको देखिँदैन । यसै साता अमेरिकी विदेश मन्त्रालयले घोषणा गरेको छ कि उनीहरूले ५५ मिलियनभन्दा बढी विदेशी नागरिकहरूका भिसा रेकर्डहरू समीक्षा गर्दैछन् जसले उनीहरूलाई अस्थायी रूपमा अमेरिका भ्रमण वा बसोबास गर्न अनुमति दिन्छ ती भिसाहरू रद्द गर्ने सम्भावना रहेको छ ।
