ठुलो जनसंख्या भएको भारत र चीन अन्तर्राष्ट्रिय स्तरमा विदेश अध्ययन गर्न जाने विद्यार्थीहरूको प्रमुख स्रोत राष्ट्रहरू हुन् । संयुक्त राज्य अमेरिका, बेलायत, अष्ट्रेलिया, जर्मनी र क्यानडा निरन्तर रूपमा प्रमुख गन्तव्य राष्ट्रहरूको सूचीमा रहेका छन । पछिल्ला दुई दशकमा अन्तर्राष्ट्रिय रूपमा अध्ययन गर्न जाने विद्यार्थीहरूको संख्या लगभग तीन गुणा बढेको छ ।
विदेश अध्ययनका लागि जाने विश्वभरका विधार्थीहरुको गन्तव्यस्थलहरु परिवर्तन हुन थालेको एक अध्धयनले देखाएको छ । अन्तराष्ट्रिय विधार्थीको मुख्य गन्तव्य मानिएको अमेरिका क्यानडा र अष्ट्रेलियामा कडाई भएसंगै त्यस्ता प्रवृत्तिबाट अलग हुँदै विश्वभरी फैलिरहेका भारतीय विद्यार्थीहरूले आफ्नो अन्तर्राष्ट्रिय शिक्षाको रोजाइमा परिवर्तन गर्न थालेको बताइएको छ । अमेरिकामा र क्यानडामा अध्ययन गर्नका लागि आवेदन घटिरहेको छ भने जर्मनीको आकर्षण तीव्र रूपमा बढेको अध्ययनमा देखिएको छ । अपगार्डद्धारा प्रकासिशत ट्रान्जिसनल रिर्पोट अनुसार २०२४–२५ अनुसार, युवाहरू अब अन्तर्राष्ट्रिय डिग्रीप्रतिको दृष्टिकोणमा नयाँ सोच ल्याउँदै गएको देखाएको छ ।
सो रिर्पोट अनुसार आप्रवासन र विधार्थी भिषामा गरिएको कडाईको कारण अमेरिकामा विधार्थी घट्दै गएको देखिएको छ । अमेरिका लामो समयदेखि भारतीय विद्यार्थीहरूको लागि एकछत्र गन्तव्य मानिन्थ्यो, अहिले त्यसको आकर्षण घट्दै गएको छ र अमेरिकी विश्वविद्यालयहरूमा वर्षको तुलनामा आवेदन १३ प्रतिशतले घटेको उल्ल्ेख छ । यतिखेर भारतीय विधार्थीहरुको लागि जर्मनीले अमेरिका र क्यानडालाई पछि पार्दै शीर्ष गन्तव्यको रूपमा स्थान बनाएको छ । सन् २०२२ मा १३.२ प्रतिशत रहेको जर्मनीको विद्यार्थी हिस्सा २०२४–२५ मा ३२.६ प्रतिशतमा पुगेको छ । त्यसैबीच, क्यानडामा पनि ठूलो गिरावट आएको देखिएको छ । सन् २०२२ मा १७.८५ प्रतिशत रहेको भारतीय विद्यार्थी हिस्सा २०२४–२५ मा ९.३ प्रतिशतमा झरेको छ ।
भारतीय विद्यार्थीहरू अब पारम्परिक गन्तव्यहरूभन्दा भिन्न विकल्पहरू रोज्न थालेका छन्, जहाँ गुणस्तरीय शिक्षा, कम लागत, र आवासीय अनुमति सम्बन्धी सहजता जस्ता पक्षहरू उनीहरूको निर्णयलाई प्रभावित गरिरहेका छन् । स्मरणीय विश्वभरको सबै भन्दा धेरै जनसख्यामा भएको दोश्रो ठुलो मुलुक भारतबाट विश्वभर पढ्न जाने अन्तारष्ट्र्रिय विधार्थी सख्या प्रतिबर्ष ९ लाख रहेको विभिन्न अनुसन्धानमा उल्लेख छ ।
ठुलो जनसख्या भएको भारत र चीन अन्तर्राष्ट्रिय स्तरमा विदेश अध्ययन गर्न जाने विद्यार्थीहरूको प्रमुख स्रोत राष्ट्रहरू हुन् । संयुक्त राज्य अमेरिका, बेलायत, अष्ट्रेलिया, जर्मनी र क्यानडा निरन्तर रूपमा प्रमुख गन्तव्य राष्ट्रहरूको सूचीमा रहेका छन । पछिल्ला दुई दशकमा अन्तर्राष्ट्रिय रूपमा अध्ययन गर्न जाने विद्यार्थीहरूको संख्या लगभग तीन गुणा बढेको छ । संयुक्त राज्य अमेरिका अझै पनि विश्वभरिका अन्तर्राष्ट्रिय विद्यार्थीहरूको लागि पहिलो रोजाइको गन्तव्य रहँदै आएको छ । जति सुकै कडाई अझै पनि पहिलो पटक विधार्थीले अमेरिकाका लागि भिषा प्रयास गर्ने र नभएपछि अन्य मुलुक खोज्ने प्रवृति उल्लेखनीय रहेको विभिन्न अनुसन्धानहरुमा उल्ल्ेख छ । मुख्य कारण अंग्रेजी भाषी देशहरू भाषा, प्रतिष्ठा, र रोजगारी अवसरका कारण अग्रस्थानमा छन् ।
