अमेरिकामा रहेका नेपाली समुदायको लागि बहुप्रतिक्षित विषय टीपीएस खारेजीविरुद्धको मुद्दामा अदालतमा सुनुवाइ समाप्त भएको छ । न्यायाधीश ट्रिना एल थम्पसनले करिब २ घण्टासम्म दुवै पक्षका वकिलका तर्क सुनेपछि सुनुवाइ समाप्त भएको हो । दुबै पक्षका तर्कहरु सुनेपछि अदालतले यो मुद्दालाई अर्को ४८ घण्टाको जारी राख्ने र त्यसपछि आफ्नो निर्णय सुनाउने न्यायाधिसले बताएको समाचार संस्थाहरुले जनाएको छ । यसमा करिब ७,५०० नेपाली, ५२,००० होन्डुरन र ३,५०० निकाराग्वनहरू रहेको बताइएको छ ।
क्यालिफोर्नियाको संघीय अदालतकी न्यायाधीश ट्रिना एल थम्पसनले मुद्दामा दुबै पक्षका तर्क सुनेकी थिइन् । यो मुद्दा होन्डुरस, नेपाल र निकारागुवाका करिब ६३ हजार अमेरिकामा रहेका टीपीएस बाहकहरुको बसोबास अन्त्य गर्ने ट्रम्प प्रशासनको निर्णयलाई चुनौती दिनेसम्बन्धी हो । यस सुनुवाइमा होन्डुरस, नेपाल र निकारागुवाका व्यक्तिहरूको टीपीएस समाप्त गर्ने प्रभावकारी मितिलाई स्थगित गर्ने प्रस्तावमाथि छलफल भएको थियो । यसको आदेश संभवत केहि दिनमा आउनेछ । सरकारले खारेज गरेको टिपिएसको कारण आदलतले उनिहरुको पक्षमा आदेश नगरेको खण्डमा अगष्टपछि अमेरिका छाड्नुपर्नेछ ।
