यमनको तटीय जलक्षेत्रमा आइतबार (स्थानीय समयअनुसार) डुंगा पल्टिएको छ । संयुक्त राष्ट्रसंघको आप्रवासन एजेन्सीका अनुसार यो डुंगा दुर्घटनामा ६८ अफ्रिकी आप्रवासीको मृत्यु भएको छ । ७४ जना बेपत्ता भएका छन् । १२ आप्रवासीलाई उद्धार गरिएको छ ।
यमनमा अन्तर्राष्ट्रिय आप्रवासन संगठनका प्रमुख अब्दुसत्तोर एसोवले बताएअनुसार डुंगामा १५४ इथियोपियाली आप्रवासी सवार थिए । डुंगा यमनको अबयान प्रान्तको तटीय जलक्षेत्रमा पल्टिएको थियो ।
एसोवले थप बताएअनुसार ५४ आप्रवासीका शव खानफर जिल्लाको किनारमा भेटिएका छन् । १४ अन्य शव अर्को स्थानमा फेला परेका छन् ।
