“अब गाउँछ अमेरिका” भन्दै लामो अमेरिकाको विभिन्न शहरमा सम्पन्न भएको कार्यक्रममा संलग्न गायिका एलिना चौहानले आयोजकप्रति चर्को असन्तुष्टि पोखेकी छिन । आयोजकले नोकर जस्तो व्यवहार गरेको बताएकी छिन । एक मिलियन फलोअर भएको आफ्नो अफिसियल फेसबुकमा चौहानले आयोजकलाई लक्षित गर्दै “जस्तो छ, त्यस्तै भन्छु — यो टुर मेरो लागि ठूलो सिकाइ बन्यो। कलाकारलाई सम्मान होइन, नोकरझैँ व्यवहार गरियो। कसैले कैदीझैँ महसुस गर्‍यो, कसैले अपमान सहनु पर्‍यो। 😔 एउटा कुरा स्पष्ट भन्न चाहन्छु आयोजक भनेको कलाकारको संरक्षक हो, मालिक होइन। कलाकारले धनभन्दा बढी इज्जत, व्यवहार र कदर खोज्छ। नराम्रा अनुभवले धेरै कुरा सिकायो — अब कुनै कलाकारले यस्तो अपमान भोग्न नपरोस् 🙏 ।”

यहि समुहमा अमेरिकामा संगै आएकी अर्की कलाकार कला लम्सालले पनि आयोजकका कारण आफुले अपमानित हुनु परेको भन्दै बिरामी हुँदा सहयोग नगरी जर्वजस्ती नेपाल फर्काएको आरोप लगाएकी थिईन । यो कार्यक्रमको आयोजक फई नेपाल नामक संस्थाले गरेको थियो । असन्तुष्टि बनेकी चौहानसंग सम्पर्क गर्दा उनले आफ्नो कुरा स्पष्ट सोसल मिडियामा भनेकोले त्यसैलाई बुझ्न भन्दै बाकी कुरा बताउन चाहिनन । फ्लाई नेपा नामक आयोजक संस्थाका सिईयो विनोद अधिकारी संग सम्पर्क गर्न खोज्दा सम्पर्क हुन सकेन । कला लम्साल फकिएपछि बाँकी ३ जनाले टुर सम्पन्न गरेका थिए । जसमा बद्री पंगेनी र प्रताप दास संलग्न थिए । यस अघि यो सस्थाले विभिन्न कलाकार ल्याएर अमेरिकामा कार्यक्रम गर्दै आएको छ ।