अमेरिका, मेक्सिको र क्यानडामा आगामी बर्ष आयोजना हुने २०२६ फिफा विश्वकपअघि भिसा आवेदनहरूमा हुने ठूलो वृद्धि सामना गर्न अमेरिकी विदेश मन्त्रालयले हजारौ थप कर्मचारी थपेर विशेष तयारी गरिरहेको जनाएको छ । खासगरी विश्वकप खेल्ने अमेरिका आउने देशहरुमा दुतावास वा महावाणिज्य दुतावासहरुमा थप कर्मचारी पठाएर खेल हेर्न अमेरिका जानेहरुका लागि विशेष व्यवस्था गर्ने भएको हो । ह्वाईट हाउसको ओभल अफिसमा अमेरिकी राष्ट्रपति डोनाल्ड ट्रम्प र फिफा अध्यक्ष इनफेन्टिनोबी भएको भेटवार्तामा विदेशमन्त्रि मार्क रुवियाले फिफाको खेल हेर्न अमेरिका आउनेहरुका लागि मध्यनजर गर्दै विशेष भिषाको व्यवस्थापन शुरु गरिएको बताएका हुन ।
अमेरिका खेल हेर्न आउने मागलाई व्यवस्थापन गर्न, विदेश मन्त्रालयले विश्वकपमा छनोट भएका वा हुने सम्भावना भएका देशहरूको दूतावासहरूमा सयौँ थप कन्सुलर अधिकारी पठाउने तयारी गरिरहेको जनाएको छ । केही टीमहरू प्रतियोगिताका लागि पहिले नै छनोट भइसकेका देशहरूमा भिसा अन्तर्वार्ता पाउन महिनौँ लामो प्रतीक्षा समय रहेको गुनासो आएकोले फिफा अध्यक्षले अमेरिकी राष्ट्रपतिसंग भेट गर्दै सहज बनाउन आग्रह गरेका थिए । राष्ट्रपति ट्रम्पले पनि ती देशहरुबाट भिषाका लागि व्यवस्थापन गर्न विदेश मन्त्रालयलाई निर्देशन दिएका छन । समर्थकहरूले ट्रम्प प्रशासनको आप्रवासन कडाइ अन्तर्गत अझ कडा सुरक्षा जाँचहरू जस्तै सामाजिक सञ्जाल जाँच र भिसामा थप प्रतिबन्धहरू सामना गरिरहेको भए पनि विश्वकपका लागि सहज बनाउने बताइएको छ ।

ह्वाईट हाउसको ओभल अफिसमा ट्रम्प र फिफा अध्यक्ष इनफेन्टिनोको छेउमा उभिएर, विदेश मन्त्री मार्को रुबियो र गृह सुरक्षा मंत्री क्रिस्टी नोएमले २०२६ विश्वकप टिकटधारीहरूका लागि भिसा अन्तर्वार्ता छिटो गराउने प्रशासनको योजना प्रस्तुत गरेका थिए । उनीहरूले बताए अनुसार, फिफा पास लागू गर्नुको उद्देश्य समर्थकहरूलाई अमेरिकामा खेल हेर्न सहज बनाउनु हो, तर आप्रवासन नियमहरूमा कुनै ढिलाइ नगरी व्यवस्थापन गर्ने प्रतिवद्धता जनाएका छन । “यो इतिहासकै सबैभन्दा महान् र सबैभन्दा समावेशी फिफा विश्वकप हुनेछ,” इनफेन्टिनोले प्रतियोगिताको सुनौलो ट्रफी उठाउँदै भने “र फिफा पास सेवा त्यसको अत्यन्त ठोस उदाहरण हो ।”
विदेशमन्त्रि रुबियोले नयाँ प्रणालीले कानूनी आवश्यकताहरूलाई बाइपास गर्ने कुनै व्यवस्था नगर्ने स्पष्ट पारे । “तपाईंको टिकट भिसा होइन,” उनले भने । “फिफा विश्वकप समर्थकहरूले भिसा अन्तर्वार्ता पूरा गरेर आफू योग्य भएको प्रमाणित गर्नुपर्नेछ ।” तर उनले थपे कि पहिले महिनौँ लामो ढिलाइको सामना गरिरहेका—आर्जेन्टिना र ब्राजिललगायत जस्ता दक्षिण अमेरिकी फुटबल शक्तिशाली देशहरू समेत—अब प्रणालीमा दर्ता भएपछि ६० दिनभित्र भिसा अन्तर्वार्ता पाउने सुविधा हुनेछ ।
विश्वकपको गत हप्तादेखि टिकट बिक्री सुरु भएको छ, जसअन्तर्गत अमेरिका प्रतियोगिताका १०४ मध्ये ७८ खेल आयोजना गर्न तयारी गरिरहेको छ । विश्वकपले लाखौँ समर्थकहरू आकर्षित गर्ने अपेक्षा छ, तर ट्रम्पले स्थानीय अवस्थाहरूले खेल कहाँ खेलाइने भन्नेमा प्रभाव पार्न सक्ने चेतावनी दिएका छन । अपराध नियन्त्रणबारे आलोचना भोगिरहेको सिएटल—जहाँ ६ खेल तय भएका छन बारे सोधिँदा ट्रम्पले भने, “यदि समस्या हुने देखियो भने, म जियानीलाई त्यो खेल अर्को शहरमा सार्न अनुरोध गर्नेछु ।” गृहसचिव नोएमले प्रशासनको सुरक्षा योजनाबारे बोल्दै, गृह सुरक्षा विभाग शहरहरू र फिफासँग मिलेर सुरक्षित र व्यवस्थित यात्राको सुनिश्चिततामा काम गरिरहेको बताइन् ।

के हो फिफा पास कसरी बनाउने ?
फिफा पास प्रणाली विश्वकपका लागि पहिलो पल्ट प्रयोगमा आएको हो । यो प्रयोग गर्न, समर्थकहरूले पहिलो चरणमा अमेरिकामा हुने २०२६ विश्वकपको खेलका लागि टिकट खरिद गर्नुपर्छ । यो फिफा पास लिएपछि भिषाका लागि अन्र्तर्वाता समय छिटो उपलब्ध हुनेछ । फिफा पास लिन कुन खेल कहिले खेल्ने भन्ने निश्चित गरेर टिकट किन्न जरुरी हुन्छ । टिकट किनेपछि फिफाको सिष्टमले पास उपलब्ध गराउनेछ र भिषाको लागि अन्र्तवार्ताको समय छिटो उपलब्ध गराउनेछ ।
२०२६ को सुरुतिर प्रणाली खुल्ने बित्तिकै योग्य टिकटधारीहरूले अमेरिकी विदेश मन्त्रालयमार्फत प्राथमिकता प्राप्त भिसा अन्तर्वार्ता समय माग गर्न सक्नेछन् । जसले भिषा पास लिएको छ उसले केहि नियम पुरा गरेपछि भिषा सुविधा पाउनेछ । आवेदन प्रक्रियामा अझै पनि मानक डिएस–१६० भिसा फारम भर्नु, भिसा शुल्क तिर्नु, र अमेरिकी दूतावास वा कन्सुलेटमा प्रत्यक्ष अन्तर्वार्तामा उपस्थित हुनुपर्नेछ । टिकट भएकोले मात्र भिसा पक्का हुँदैन; सबै आवेदकहरूले विद्यमान प्रवेश आवश्यकताहरू पूरा गर्नुपर्ने हुन्छ ।

भिसा वेभर कार्यक्रमअन्तर्गतका देशहरू जस्तैः बेलायत, फ्रान्स वा जर्मनीका नागरिकहरूले अग्रिम इलेक्ट्रोनिक अनुमति लिएर अमेरिकामा प्रवेश गर्न सक्छन् । भिषा वेभरमा नपर्ने देशका समर्थकहरूले वि१÷वि२ भिसा आवेदन दिनुका साथै १८५ डलरको मानक आवेदन शुल्क र यसै वर्ष प्रशासनद्वारा लागू गरिएको २५० डलरको नयाँ “भिषा ईन्टिग्रीटी फि” तिर्नुपर्नेहुन्छ ।

फिफा अध्यक्ष जियानी इनफेन्टिनोले ओभल अफिसमा भनेका छन अमेरिका क्षेत्रमा हुन लागेको वल्ड कप “यो इतिहासकै सबैभन्दा महान् र सबैभन्दा समावेशी फिफा विश्वकप हुनेछ — र फिफा पास सेवा त्यसको एक अत्यन्त ठोस उदाहरण हो ।

विश्वकपको ड्र २०२५ डिसेम्बरमा वाशिङ्टन डी.सी.को केनेडी सेन्टरमा हुने तय भएको छ, जहाँ ४८ टिमहरूले आफ्नो समूह चरणका प्रतिस्पर्धी र खेल हुने शहरको जानकारी पाउनेछन् । उक्त कार्यक्रममा ट्रम्पको महत्वपूर्ण भूमिका रहने अपेक्षा गरिएको छ । यस प्रतियोगिताले छ लाखभन्दा बढी समर्थक आकर्षित गर्ने र ३०.५ अर्ब डलरको आर्थिक उत्पादन सिर्जना गर्ने, जसमा १७.२ अर्ब डलर अमेरिकी जीडीपीमा थपिने अपेक्षा गरिएको छ । फिफा पास विश्वकपमा खेल्ने राष्ट्रहरुका लागि सहजीकरण गर्ने उल्लेख छ तर नेपाल भारत जस्ता दर्शकहरुका लागि यो पास कसरी लिने निश्चित छैन । फिफा वेव साईट र अमेरिकी सन्चार माध्यममा आधारित